కరోనా మహమ్మారి వ్యాక్సిన్ తయారీలో పురోగతి సాధించినట్లు తెలపింది బ్రిటన్. ఒకవేల టీకా విజయవంతమైతే వచ్చే సెప్టెంబర్ నాటికి సుమారు 30 మిలియన్ల డోస్లు అందుబాటులోకి వస్తాయని పేర్కొంది. కొవిడ్-19 వ్యాక్సిన్ 100 మిలియన్ డోస్ల తయారీకి ఓ ఔషధ సంస్థతో ఆక్స్ఫర్డ్ విశ్వవిద్యాలయం ఒప్పందం కుదుర్చుకున్నట్లు బ్రిటన్ వాణిజ్య కార్యదర్శి అలోక్ శర్మ ప్రకటించారు.
కరోనా వైరస్ రోజువారీ ప్రకటనలో భాగంగా ఈ మేరకు వివరాలు వెల్లడించారు అలోక్ శర్మ
" ప్రభుత్వ సాయంతో ఆక్స్ఫర్డ్ యూనివర్సిటీ వ్యాక్సిన్ తయారీ, వాణిజ్యం కోసం ఆస్ట్రాజెనెకా సంస్థతో గ్లోబల్ లైసెన్సింగ్ ఒప్పందం కుదుర్చుకుంది. వ్యాక్సిన్ విజయవంతమైతే టీకా పొందిన తొలి దేశంగా యూకే నిలుస్తుంది. అదే సమయంలో అభివృద్ధి చెందుతున్న దేశాలకు తక్కువ ధరకే వ్యాక్సిన్ను అందుబాటులో ఉంచుతాం."
– అలోక్ శర్మ, బ్రిటన్ వాణిజ్య కార్యదర్శి
డ్రగ్ తయారీకి వైద్య నిపుణులు, శాస్త్రవేత్తలతో కలిసి ప్రభుత్వం పని చేస్తోందని తెలిపారు. ఇప్పటికే 6 రకాల ఔషధాలు క్లినికల్ ట్రయల్స్లో ఉన్నాయని, సత్ఫలితాలు వస్తే.. మరింత ముందుకు తీసుకెళ్లనున్నట్లు వెల్లడించారు.
