దేశంలో మూడోసారి లాక్డౌన్ విధించడం కంటే.. గుట్టలు గుట్టలుగా మృతదేహాలు పేరుకుపోయినా ఫర్వాలేదని, అదే మేలు అని తాను చెప్పినట్లుగా మీడియాలో వచ్చిన ఓ కథనాన్ని బ్రిటన్ ప్రధాని బోరిస్ జాన్సన్ ఖండించారు. అవి పూర్తిగా చెత్త ఆరోపణలు అని ఆయన మండిపడ్డారు.
రెండోసారి లాక్డౌన్ విధించిన సందర్భంగా 2020 చివరిలో జాన్సన్ ఈ వ్యాఖ్యలు చేశారంటూ డైలీ మెయిల్ ఇటీవల తన కథనంలో పేర్కొంది. ఇందుకు సంబంధించి ఆ పత్రిక ఎలాంటి ఆధారాలు పేర్కొనలేదు. కాకపోతే జాన్సన్ కార్యాలయం నుంచి ఈ లీకులు వచ్చినట్లు తెలిపింది. దీనిపై అధికారులు దర్యాప్తు చేపడుతున్నారు.
ఇదీ చూడండి: భారత్కు బాసటగా విదేశాలు- వైద్య పరికరాలు సరఫరా
