అఫ్గానిస్థాన్లో(Afghan Crisis) తాలిబన్ల దురాక్రమణ(Afghanistan Taliban).. ప్రపంచవ్యాప్తంగా ఉన్న మిగతా ఉగ్రవాదులకు(Terrorist Groups) ప్రేరణ కలిగించవచ్చని బ్రిటన్ నిఘా సంస్థ అధిపతి తెలిపారు. ఉగ్రవాదులు మళ్లీ 9/11 తరహా దాడులకు(9/11 Attacks) పాల్పడే ప్రమాదం ఉందని హెచ్చరించారు. ఈ నేపథ్యంలో ఉగ్రముప్పును(Terror Threat) ఎదుర్కోవడానికి అప్రమత్తంగా వ్యవహరించాల్సిన ఆవశ్యకత ఉందని పేర్కొన్నారు. అమెరికాలో అల్-ఖైదా ఉగ్రసంస్థ జరిపిన మారణహోమానికి 20 ఏళ్లు పూర్తయిన నేపథ్యంలో 'బీబీసీ'తో బ్రిటన్ ఎంఐ5 నిఘా సంస్థ డైరెక్టర్ జనరల్ కేమ్ మెక్కల్లమ్ మాట్లాడారు.
"అఫ్గానిస్థాన్లోని పరిణామాలను ఉగ్రవాదులు స్ఫూర్తిగా తీసుకునే ప్రమాదం పొంచి ఉంది. వాళ్లు పునరుజ్జీవం చెంది.. అత్యాధునిక మార్గాల్లో 9/11 వంటి దాడులకు పాల్పడే ప్రమాదం ఉంది. అఫ్గాన్ పరిణామాలు.. రాత్రికి రాత్రే బ్రిటన్ లేదా ఇతర దేశాల్లో అల్-ఖైదా వంటి ఉగ్రసంస్థలకు నైతిక బలాన్ని కలిగించవచ్చు. అందుకే మనం అప్రమత్తంగా ఉండాల్సిన అవసరం ఉంది."
-మెక్కల్లమ్, బ్రిటన్ ఎంఐ5 డైరెక్టర్ జనరల్.
బ్రిటన్ పోలీసులు, నిఘా వర్గాలు కలిసి గత నాలుగేళ్లలో.. 31 ఉగ్ర కుట్రలను భగ్నం చేశాయని మెక్కల్లమ్ పేర్కొన్నారు. ఇస్లామిస్ట్ అతివాద సంస్థల నుంచి ఇప్పటివరకు బ్రిటన్ అధిక ముప్పు ఎదుర్కోవాల్సి వచ్చిందని తెలిపారు. ఈ నేపథ్యంలో.. బ్రిటన్పై ఉగ్ర ముప్పు శాశ్వతంగా ఉంటుందని అభిప్రాయపడ్డారు.
అల్-ఖైదా ఉగ్రసంస్థ చేయలేని పనిని, ఐసిస్ ఉగ్ర సంస్థలు చేస్తున్నాయని మెకకల్లమ్ తెలిపారు. అవి చాలా మందిలో ఉగ్రవాద భావజాలాన్ని నింపుతున్నాయని అన్నారు. "ఉగ్రముప్పులు మన జీవితంలో భాగమయ్యాయి. భవిష్యత్లోనూ అవి మరికొంతకాలంపాటు మనతోనే ఉంటాయి" అని పేర్కొన్నారు.
ఇదీ చూడండి: Taliban Government: అఫ్గాన్లో మంత్రివర్గ ప్రమాణ స్వీకారం వాయిదా
ఇదీ చూడండి: Joe Biden: 'వారి త్యాగాలను అమెరికా స్మరించుకుంటోంది'
