Sanctions on Russia: అమెరికా సహా దాని మిత్రపక్షాలు రష్యాపై విధించిన 'అద్భుతమైన' ఆంక్షలతో ఎలాంటి మార్పు ఉండబోదని.. ఉక్రెయిన్లోని డొన్బాస్ ప్రాంతాన్ని రక్షించే మిలిటరీ ఆపరేషన్ కొనసాగుతుందని స్పష్టం చేసింది రష్యా. అధ్యక్షుడు వ్లాదిమిర్ పుతిన్ లక్ష్యాలను చేరే వరకు ఈ సైనిక చర్య ఆగదని రష్యా భద్రతా మండలి డిప్యూటీ హెడ్ దిమిత్రి మెద్వెదెవ్ తెలిపారు.
ఉక్రెయిన్ రాజధాని కీవ్ సహా ఇతర ప్రాంతాలపై రష్యన్ బలగాలు దాడులను ముమ్మరం చేసిన సమయంలో ఈ ప్రకటన మరింత ప్రాధాన్యం సంతరించుకుంది.
"ఈ అద్భుతమైన ఆంక్షలు పరిస్థితులను మార్చలేవు. అమెరికా విదేశాంగ శాఖలోని వారికి కూడా ఇది స్పష్టంగా తెలుసు. డొన్బాస్ను రక్షించే మిలిటరీ ఆపరేషన్ కొనసాగుతుందని ఇది సూచిస్తోంది. "
- దిమిత్రి మెద్వెదెవ్, రష్యా భద్రతా మండలి డిప్యూటీ హెడ్
జార్జియాపై దాడిని గుర్తు చేస్తూ.. 2008లో జరిగిన తీరుగానే పరిస్థితులు కొనసాగుతాయనే నమ్మకం ఉందన్నారు మాజీ ప్రధాని. ఆంక్షలు అనేవి పురాణాలుగా అభివర్ణించారు దిమిత్రి. అవి మాటలకే పరిమితమని ప్రతి ఒక్కరికి తెలుసునన్నారు.
ఇదీ చూడండి: ప్రధాని మోదీతో మాట్లాడిన ఉక్రెయిన్ అధ్యక్షుడు.. ఏమన్నారంటే?
