Russia Ukraine War: ఉక్రెయిన్పై ఎలాగైనా పట్టు సాధించాలనుకుంటున్న రష్యా ఎంతమాత్రం వెనక్కి తగ్గకుండా బాంబులు, రాకెట్లను సంధిస్తోంది. తాజాగా పశ్చిమ ఉక్రెయిన్లోని సైనిక శిక్షణ స్థావరంపై రష్యా క్షిపణి దాడి చేసింది. ఈ దాడిలో 35 మంది మృతి చెందగా.. పలువురు గాయపడినట్లు స్థానిక అధికారులు తెలిపారు. ఉక్రెయిన్కు సాయంగా ఆయుధాలు సరఫరా చేస్తే.. ఆ వాహనాలు తమకు లక్ష్యాలుగా మారుతాయని రష్యా హెచ్చరించిన నేపథ్యంలో.. పోలాండ్కు సరిహద్దుల్లో ఈ దాడి జరిగింది.
రష్యా సేనల తాజా దాడిలో అక్కడ ఉన్న లుట్స్క్‌ ఎయిర్‌ పోర్టు ఈ దాడుల్లో బాగా దెబ్బతింది. ఇది పొలాండ్ సరిహద్దులకు సమీపంలో ఉంది. ఇక్కడ ఇవనోవ్‌ ఫ్రాంకోవిస్క్‌ మిలటరీ ఎయిర్‌బేస్‌పై క్షిపణులతో దాడులు చేశారు. ఉక్రెయిన్‌లోనే అతిపెద్ద సైనిక శిక్షణ కేంద్రాల్లో ఒకటి ల్వీవ్లో ఉంది.
రష్యా దండయాత్ర నుంచి ఇప్పటివరకు సురక్షితంగా ఉన్న ల్వీవ్లో.. 26 లక్షల మంది శరణార్థులు ఆశ్రయం పొందుతున్నారు. అయితే తాజా దాడితో శరణార్థుల్లో ఆందోళన మొదలైంది. మరో సురక్షిత స్థానం కోసం వారు చూస్తున్నారు.
ఇదీ చూడండి: రష్యా సరికొత్త అస్త్రం.. సామాన్య పౌరులకు ముప్పు తిప్పలు!
