ప్రపంచదేశాలకు ముప్పుగా మారిన తీవ్రవాదానికి వ్యతిరేకంగా లండన్లో కౌంటర్ టెర్రరిజం ఆపరేషన్ సెంటర్(సీటీఓసీ)ను ఏర్పాటు చేయనుంది యూకే ప్రభుత్వం. ఈ మేరకు పెద్దమొత్తంలో నిధులను కూడా సీటీఓసీకి కేటాయించనున్నట్లు యూకే ఛాన్సెలర్ రిషి సునక్ స్పష్టం చేశారు.
వచ్చే ఏడాదికి గానూ బ్రిటీష్ పార్లమెంట్లో ప్రవేశపెట్టనున్న బడ్జెట్ బిల్లులో అదనంగా నాలుగు వేల కోట్ల రూపాయిలను కేటాయించారు. ఈ మొత్తాన్ని అక్కడి ప్రభుత్వం వచ్చే ఐదేళ్లలో ఖర్చు పెట్టనుంది. దీనితో పాటే సీటీఓసీ నిర్మాణం జరగనుంది. ఇందులో భాగంగా 2023 లోగా మరో 20వేల మంది పోలీసులను నియమించుకోవాలని యోచిస్తోంది.
ఉగ్రవాదం నుంచి మనందరిని రక్షించడానికి పోలీసులు, ఇంటెలిజెన్స్ వ్యవస్థలు రోజూ అసాధారణమైన కృషి చేస్తున్నాయి. ప్రపంచ భాగస్వాములను ఒకేతాటి పైకి తీసుకురావడానికి ప్రయత్నం చేస్తున్నాం. తద్వారా మనం తీవ్రవాదులకు గట్టి సందేశం పంపవచ్చు. సీటీఓసీ కొత్త భవనం వచ్చే ఏడాది ప్రారంభంలో పూర్తయ్యే అవకాశం ఉంది.
- రిషీ శునక్ యూకే ఛాన్స్లర్
