క్వీన్ ఎలిజబెత్-2... బ్రెగ్జిట్కు అధికారికంగా ఆమోద ముద్ర వేశారు. ఫలితంగా జనవరి 31న బ్రిటన్... ఈయూ నుంచి వైదొలిగేందుకు మార్గం సుగమమైంది. బ్రస్సెల్స్లో ఈయూకు చెందిన ఇద్దరు అత్యున్నత అధికారులు శుక్రవారం ఈ విభజన ఒప్పందంపై సంతకం చేయనున్నారు.
ఇక మిగిలింది ఈయూ అంగీకారమే!
వచ్చేవారం యూరోపియన్ పార్లమెంటు ఈ ఒప్పందానికి మద్దతు తెలపాల్సి ఉంది. అదే జరిగితే లండన్లో ఇది ఓ చారిత్రక ఘట్టంగా మిగిలిపోతుంది. ఎందుకంటే 28 సభ్య దేశాలు కలిగిన ఈయూ నుంచి వైదొలగిన తొలి దేశంగా బ్రిటన్ నిలుస్తుంది. జాన్సన్కు తాను పదవి చేపట్టిన కాలంలో ఇదో పెద్ద విజయం అవుతుంది.
పంతం నెగ్గించుకున్న బోరిస్!
మాజీ ప్రధాని థెరెసా మే... 2018లో బ్రెగ్జిట్ ఒప్పందంపై చర్చలు జరిపారు. దిగువ సభ ఈ విషయాన్ని మూడుసార్లు తిరస్కరించింది. ఫలితంగా.. థెరెసా రాజీనామా చేయాల్సి వచ్చింది. అయితే ఆ తర్వాత ప్రధానిగా బాధ్యతలు చేపట్టిన బోరిస్... బ్రెగ్జిట్ను సాకారం చేసేందుకు చాలా కృషి చేశారు. మెజారిటీ లేకపోవడం వల్ల గతనెలలో ఎన్నికలకు వెళ్లారు. జాన్సన్ అధిక మెజారిటీతో తిరిగి అధికారాన్ని చేపట్టారు. ఆ తర్వాత ఎంపీలు ఈ ఒప్పందానికి మద్దతు పలికారు. ఐరోపా సమాఖ్య నుంచి తమ దేశ నిష్క్రమణకు ఉద్దేశించిన బ్రిగ్జిట్ ఒప్పందాన్ని నిన్న బ్రిటన్ పార్లమెంటు ఆమోదించింది.
బ్రెగ్జిట్ తరువాత?
ఈయూ నుంచి బ్రిటన్ వైదొలిగిన తరువాత ఏం చేయాలనే దానిపై బ్రిటన్ ప్రధాని బోరిస్ వచ్చే నెల ప్రారంభంలో ఓ విధాన నిర్ణయం తీసుకునే అవకాశముంది.
ఇదీ చూడండి: ఇకపై ఫోన్ పే నుంచీ 'ఏటీఎం' సేవలు
