కరోనా లాక్​డౌన్​ పుకార్లు.. ఇటలీలో నిరసనలు

ఇటలీలోని నప్లాస్​ నగరంలో అధికారులు లాక్​డౌన్​ విధిస్తారనే వార్తల నేపథ్యంలో ప్రజలు నిరసనలు చేపట్టారు. ఆందోళనకారులను అదుపుచేయడానికి శుక్రవారం రాత్రి 11 గంటల నుంచి శనివారం ఉదయం 5 గంటల వరకు నగరంలో కర్ఫ్యూ విధించారు.

ఇటలీ కాంపేనియా గవర్నర్​ విన్సెంజో డి లూకా.. నప్లాస్​ నగరంలో లాక్​డౌన్​ ఆంక్షలను విధిస్తారనే వార్తల వల్ల స్థానికులు ఆందోళనలు చేపట్టారు. పోలీసుల పైకి రాళ్లు, పొగ​ బాంబులను విసిరారు. ఫలితంగా నిరసనకారులను అదుపు చేయడానికి పోలీసులు టియర్​ గ్యాస్​ను ప్రయోగించారు.

కరోనా కట్టిడి దిశగా అధికారులు తీసుకోవాలనుకున్న నిర్ణయం.. నిరసనలు తీవ్రరూపం దాల్చేలా చేశాయని స్థానిక మీడియా తెలిపింది. గతంలో విధించిన ఆంక్షలు కారణంగా ఆ ప్రాంతంలో నిరుద్యోగం బాగా పెరిగిపోయింది. తిరిగి లాక్​డౌన్​ పెడతారనే పుకార్ల వల్ల ప్రజలు పెద్ద ఎత్తున రోడ్లపైకి వచ్చారు.

ఇటలీలో కరోనా కారణంగా ఇప్పటి వరకు 37 వేల మందికి పైగా మరణించారు.