భారత స్వాతంత్ర్యానికి పూర్వం జరిగిన జలియన్వాలా బాగ్ హింసాకాండకు వందేళ్లు పూర్తవుతున్న తరుణంలో విచారం వ్యక్తం చేసింది బ్రిటన్. ఏప్రిల్ 13, 1919నాటి ఈ ఘటనపై ఆ దేశ ప్రధాని థెరీసా మే ఆవేదన వ్యక్తం చేశారు.
కొంతమంది సభ్యులు వ్యతిరేకించడం వల్ల అధికారికంగా క్షమాపణ చెప్పడం ఆగిపోయింది. ఈ ఘటనపై ఇంతకుముందే బ్రిటన్ ప్రభుత్వం విచారం వ్యక్తం చేసిందని తెలిపారు మే.
ఘటన జరిగిందిలా...
అవిభాజ్య పంజాబ్ అమృత్సర్లోని జలియన్వాలాబాగ్లో జరిగిందీ దురాఘతం. స్వాతంత్ర పోరాటం కోసం భారతీయులు సమావేశం కాగా కల్నల్ రెజినాల్డ్ డయ్యర్ ఆదేశాల మేరకు కాల్పులకు తెగబడ్డాయి బ్రిటిష్ సేనలు. ఈ ఘటనలో 379మంది మృతి చెందారని, 1200మంది గాయపడినట్లు అప్పటి బ్రిటిష్ ప్రభుత్వం అధికారిక లెక్కలు వేసింది.
"1919లో జరిగిన జలియన్ వాలాబాగ్ ఘటన బ్రిటిష్ ఇండియా చరిత్రలో మాయని మచ్చ. భారతదేశంలో బ్రిటన్ పాలనకు ఒక దుఃఖకరమైన ఉదాహరణగా 1997లో జలియన్వాలాబాగ్ను సందర్శించే ముందు ఎలిజబెత్ రాణి ప్రకటించారు. సహకారం, భాగస్వామ్యం, భద్రత విషయంలో ప్రస్తుతం బ్రిటన్-భారత్ మధ్య ఆరోగ్యకరమైన సంబంధాలు కొనసాగుతున్నాయి. బ్రిటన్ అభివృద్ధిలో భారతీయుల పాత్ర ఎంతో విలువైంది"
-థెరీసా మే, బ్రిటన్ ప్రధానమంత్రి
జెరెమీ కార్బిన్ సంతాపం
బ్రిటన్ ప్రతిపక్షనేత జెరెమీ కార్బిన్ సైతం జలియన్వాలా బాగ్ ఘటనపై బాగ్పై విచారం వ్యక్తం చేశారు.
