నర్సింగ్​ హోంలో గ్యాస్​ లీక్​- ఐదుగురు మృతి

ఇటలీలో ఘోర ప్రమాదం సంభవించింది. ఓ నర్సింగ్​ హోమ్​లో గ్యాస్​ లీక్​ కావడం వల్ల.. ఐదుగురు వ్యక్తులు దుర్మరణం చెందారు. మరో ఏడుగురికి గాయాలయ్యాయి.

ఇటలీలోని ఓ నర్సింగ్​ హోంలో ఘోర ప్రమాదం సంభవించింది. రోమ్​ నగరం.. లానువియోలోని ఈ నర్సింగ్​ హోమ్​లో గ్యాస్​ లీక్​ కావడం వల్ల.. ఐదుగురు వృద్ధులు అక్కడికక్కడే మృతిచెందారు. మరో ఏడుగురు గాయపడ్డారు. వారిలో ఇద్దరి పరిస్థితి విషమంగా ఉన్నట్టు సమాచారం.

కార్బన్​ మోనాక్సైడ్​ వాయువు లీక్​ అవ్వడమే ప్రమాదానికి కారణమని అక్కడి అగ్నిమాపక సిబ్బంది ధ్రువీకరించారు. ఈ దుర్ఘటన అనంతరం.. మిగిలన రోగుల్ని మరో ప్రత్యేక కొవిడ్​ వైద్యశాలకు తరిలించారు అధికారులు.

ఇదీ చదవండి: ఐదు రోజుల్లోనే 6500 గదుల ఆసుపత్రి నిర్మాణం