'పసుపు దళం' ఉద్యమ హోరు

ఫ్రాన్స్​లో ప్రభుత్వ విధానాలకు వ్యతిరేకంగా చేపట్టిన 'యెల్లో వెస్ట్'​ నిరసనలు 17వ వారానికి చేరుకున్నాయి. శనివారం దేశవ్యాప్తంగా నిరసనల్లో పాల్గొన్న వందల మంది ఆందోళనకారులపై పోలీసులు భాష్పవాయువు ప్రయోగించారు.

ఫ్రాన్స్​ ప్రభుత్వానికి వ్యతిరేకంగా చేపట్టిన 'యెల్లో వెస్ట్​'​ ఆందోళనలు వరుసగా 17వ వారం కొనసాగాయి. వందల మంది నిరసనకారులు వీధుల్లోకి చేరి ఆందోళనలు చేపట్టారు. ప్రభుత్వ విధానాలతో నిరుపేదలకు అన్యాయం జరుగుతోందని ఆవేదన వ్యక్తం చేశారు.

శనివారం జరిగిన నిరసనలు ఆర్క్​ డీ ట్రయాంప్​ వద్ద ప్రారంభమై లక్సెంబర్గ్​ గార్డెన్స్​​ వద్ద ముగిశాయి. జాతీయ అసెంబ్లీ సమీపంలో ఆందోళనకారులపై పోలీసులు భాష్పవాయువు ప్రయోగించారు. ఈ ఘటనలో అనేక మంది నిరసనకారులు గాయపడ్డారు.

ఇంధన ధరల పెరుగుదలకు నిరసనగా గత ఏడాది నవంబర్​ 17న నిరసనకారులు ఫ్రాన్స్​ వీధుల్లో ఆందోళనలు చేపట్టారు. ఆ తరువాత ప్రభుత్వ విధానాలకు వ్యతిరేకంగా, ప్రజల డిమాండ్ల సాధనవైపు ఆందోళనలు కొనసాగుతున్నాయి.