ఫ్రాన్స్ మాజీ అధ్యక్షుడు నికోలస్ సర్కోజీపై వచ్చిన అవినీతి ఆరోపణల కేసులో ప్యారిస్ న్యాయస్థానం తీర్పునిచ్చింది. ఈ కేసులో సర్కోజీని దోషిగా తేలుస్తూ సంచలన తీర్పునిచ్చిన కోర్టు.. ఒక సంవత్సరం జైలు శిక్షతో పాటు రెండేళ్ల సస్పెన్షన్ విధించింది. ఈ మేరకు మొత్తం మూడేళ్లు శిక్ష విధిస్తూ తీర్పు వెలువరించింది.
ఈ తీర్పులో ఎలక్ట్రానిక్ సంకెళ్లతో తన ఇంటివద్దే నిర్భందంలో ఉంచేలా అనుమతి కోరేందుకు 66 ఏళ్ల సర్కోజీకి అవకాశం ఉందని కోర్టు తెలిపింది.
అక్రమాలు..
2007-12 మధ్య ఫ్రాన్స్ అధ్యక్షునిగా సేవలందించిన సర్కోజీ.. ఒక కేసులో తనపై తీసుకోబోయే చర్యలకు సంబంధించిన సమాచారాన్ని సీనియర్ మేజిస్ట్రేట్ వద్దనుంచి అక్రమంగా పొందేందుకు యత్నించారనే ఆరోపణలు రుజువయ్యాయి.
2012 అధ్యక్ష ఎన్నికల్లో అక్రమంగా విరాళాలందించిన కేసు విచారణనూ.. సర్కోజీ ఇదే నెలలో ఎదుర్కోనున్నారు.
ఇదీ చదవండి: పరువు నష్టం కేసులో 'నావల్నీ'కి జరిమానా
