పట్టాలు తప్పిన ప్యాసింజర్​ రైలు.. ముగ్గురు మృతి

స్కాట్లాండ్​లో వరద ప్రభావిత ప్రాంతంలో ప్రయాణిస్తున్న ఓ ప్యాసింజర్​ రైలు పట్టాలు తప్పింది. ఈ ప్రమాదంలో ముగ్గురు మరణించారు. మరో ఆరుగురు గాయపడ్డారు. మృతుల్లో లోకోపైలట్​ కూడా ఉన్నట్లు అధికారులు భావిస్తున్నారు.

స్కాట్లాండ్​ స్టోన్​హెవెన్​లో ఓ ప్యాసింజర్​ రైలు పట్టాలు తప్పింది. ప్రమాదంలో ముగ్గురు ప్రాణాలు కోల్పోయారు. ఆరుగురికి గాయాలయ్యాయి. కొద్ది రోజులుగా స్కాట్లాండ్​లో భారీ వర్షాలు కురుస్తున్నాయి. వరద ప్రభావిత ప్రాంతంలో రైలు ప్రయాణించడమే ప్రమాదానికి కారణమని తెలుస్తోంది. మరణించిన వారిలో రైలు లోకోపైలట్​ కూడా ఉన్నట్లు అధికారులు అనుమానిస్తున్నారు.

ప్రమాదంపై విచారణకు ఆదేశిస్తునట్లు బ్రిటన్​ ప్రధాని బోరిస్​ జాన్సన్ తెలిపారు. భవిష్యత్తులో ఇలాంటి ఘటనలు పునరావృతం కాకుండా చర్యలు తీసుకుంటామన్నారు.