డిసెంబర్ చివరి నాటికి రెండు కొవిడ్ 19 వ్యాక్సిన్లు.. షరతులతో కూడిన మార్కెట్ గుర్తింపు పొందొచ్చని యూరోపియన్ కమిషన్ అధ్యక్షుడు ఉర్సులా వాన్ డేర్ లియెన్ తెలిపారు.
'ఏ సమస్య లేకుండా అన్ని ప్రక్రియలు పూర్తయితే.. మొడెర్నా, ఫైజర్లు.. జర్మనీకి చెందిన ఔషధ సంస్థ బయోఎన్టెక్ ద్వారా అభివృద్ధి చెందిన కొవిడ్ టీకాకు యురోపియన్ మెడిసిన్ ఏజెన్సీ (ఈఎంఏ) అనుమతి ఇవ్వొచ్చు.' అని పేర్కొన్నారు వాన్ డేర్ లియెన్.
వ్యాక్సిన్పై సమకాలీన మదింపునకు అమెరికాకు చెందిన ఫుడ్ అండ్ డ్రగ్ అడ్మినిస్ట్రేషన్ (ఎఫ్డీఏ)తో ఈఎంఏ ఎప్పటికప్పుడు సంప్రదింపులు జరుపుతున్నట్లు వివరించారు.
మిలియన్ల డోసుల కరోనా వ్యాక్సిన్ కొనుగోలు కోసం ఐరోపా సమాఖ్య.. బయోఎన్టెక్, ఫైజర్లతో ఇప్పటికే ఒప్పందం కుదుర్చుకుంది. మొడెర్నాతోనూ త్వరలో ఒప్పందం ఖరారు కానున్నట్లు వాన్ డేర్ లియెన్ ఈ వారం మొదట్లో ప్రకటించారు.
ఇదీ చూడండి:చైనాలో 10 లక్షల మందికి కరోనా టీకా
