వెలుగుల భవిష్యత్​ కోసం 'ఎర్త్​ అవర్​'

పర్యావరణ పరిరక్షణకు ప్రభుత్వాలు మరిన్ని చర్యలు చేపట్టాలన్న డిమాండ్​తో శనివారం ప్రపంచవ్యాప్తంగా 'ఎర్త్​ అవర్​' నిర్వహించారు. గంట పాటు విద్యుత్​ వాడకం నిలిపివేశారు.

ప్రపంచ వ్యాప్తంగా 'ఎర్త్​ అవర్​'ను శనివారం నిర్వహించారు. వాతావరణ మార్పులకు వ్యతిరేకంగా గంటపాటు విద్యుత్​ వాడకం నిలిపివేశారు. ఆయా దేశాల స్థానిక కాలమానం ప్రకారం రాత్రి 8.30 గంటలకు ప్రముఖ కట్టడాలపైనా విద్యుద్దీపాలను ఆర్పివేశారు.

దిల్లీలోని యుద్ధ స్మారకం ఇండియా గేట్ వద్ద విద్యుత్​ దీపాలను ఆర్పివేశారు. ప్యారిస్​ అంతా వెలుగులు నింపే ఐఫిల్​ టవర్​ గంటపాటు వెలవెలబోయింది. భూతాపానికి వ్యతిరేకంగా నిరసన తెలిపింది తైవాన్​లోని తైపీ101 ఆకాశహర్మ్యం.

ఇంధన సంరక్షణ, భూతాపం, వాతావరణ మార్పులకు వ్యతిరేకంగా 2007లో ఆస్ట్రేలియా సిడ్నీలో ప్రారంభమైంది 'ఎర్త్​ అవర్'. ఇప్పుడు ప్రపంచవ్యాప్తంగా 180కి పైగా దేశాలు అదే బాటలో నడుస్తున్నాయి. కోట్ల మంది ప్రజలు స్వతహాగా విద్యుత్​ను నిలిపేసి నిరసన వ్యక్తం చేస్తున్నారు.

"ప్రపంచలోనే అతిపెద్ద పర్యావరణ విప్లవం ఇదే"- ఎర్త్​ అవర్​ నిర్వాహకులు

ఇదీ చూడండి:'సూపర్​ హీరో' వేషధారణలతో సందడి