ప్రపంచవ్యాప్తంగా ప్రజాస్వామ్యం క్షీణదశకు చేరుకుందని ఇంటర్నేషనల్ ఇనిస్టిట్యూట్ ఫర్ డెమొక్రసీ అండ్ ఎలక్టోరల్ అసిస్టెన్స్(ఇంటర్నేషనల్ ఐడియా) (International IDEA) తన నివేదికలో పేర్కొంది. కరోనా వైరస్ను కట్టడి చేసేందుకు చాలా దేశాలు ఇప్పటికే అప్రజాస్వామిక, అనవసరమైన చర్యలను తీసుకుంటున్నాయని తెలిపింది.
ఈ ఏడాది ఆగస్టు నాటికి కరోనా మహమ్మారిని (corona news) అరికట్టే దిశగా సుమారు 64 శాతం దేశాలు అనవసరమైన, చట్టవిరుద్ధమైన చర్యలను చేపట్టినట్లు ఇంటర్నేషనల్ ఐడియా (International IDEA) పేర్కొంది. ప్రజాస్వామ్యం లేని దేశాల్లో కూడా పరిస్థితి మరింత దిగజారుతుందని స్వీడన్కు చెంది ఈ సంస్థ స్పష్టం చేసింది. నిరంకుశ పాలనలతో ఆయా దేశాల్లో అణచివేత ధోరణి మరింత ఎక్కువైందని నివేదికలో పేర్కొంది. ఈ చర్యలతో వాక్ స్వాతంత్ర్యాన్ని పాలకులు కట్టడి చేశారని చెప్పుకొచ్చింది. అంతేగాకుండా చట్టాల ఉల్లంఘన కూడా మరింత ఎక్కువైనట్లు చెప్పింది.
దశాబ్ద కాలంలో అమెరికా, హంగేరీ, పోలాండ్, స్లోవేనియా వంటి దేశాల్లో ప్రజాస్వామ్య విలువలు కనిష్ఠానికి చేరుకున్నట్లు నివేదికలో ఇంటర్నేషనల్ ఐడియా తెలిపింది. అయితే ఈ సమయంలోనే ప్రజాస్వామ్య దేశాలు తమను తాము కొత్తగా ఆవిష్కరించుకోవడానికి కృషి చేయాలని పిలుపునిచ్చింది. రేండేళ్లగా ప్రజాస్వామ్యం గడ్డు పరిస్థితులను ఎదుర్కొంటున్నట్లు ఆ సంస్థ సెక్రెటరీ జనరల్ కెవిన్ కాసస్ జమోరా పేర్కొన్నారు. ముఖ్యంగా ప్రజాస్వామ్య పాలన రూపంగా మారినప్పుడే నిజమైన విజయం సాధించినట్లని చెప్పారు.
ఇప్పటికే నాలుగు దేశాలు ప్రజాస్వామ్యబద్ధమైన పాలనను కోల్పోయాని గుర్తు చేసిన ఈ నివేదిక లోపభూయిష్ట ఎన్నికలు, సైనిక తిరుగుబాట్లే ఇందుకు కారణమని స్పష్టం చేసింది.
ఇదీ చూడండి: 'డ్రాగన్'ను ధిక్కరిస్తే.. నామరూపాలు లేకుండా పోవడం ఖాయం!
