భారత్లో అత్యధికంగా వ్యాపించిన కరోనా డెల్టా(బి.1.617) వేరియంట్(Delta variant) ప్రస్తుతం బ్రిటన్లోనూ ఆందోళనకర స్థాయికి చేరింది. వారం రోజుల్లోనే 5,472 మందికి ఈ వైరస్ సోకగా మొత్తంగా కేసుల సంఖ్య 12,431కి చేరింది.
బ్రిటన్ కెంట్లో తొలుత వెలుగు చూసిన ప్రమాదకర ఆల్ఫా వేరియంట్ కంటే డెల్టా అత్యంత ప్రమాదకరమని ఇంగ్లాండ్ పబ్లిక్ హెల్త్(పీహెచ్ఈ) అధికారులు తెలిపారు. ఈ వేరియంట్ కారణంగా ఆసుపత్రిలో చేరే వారి సంఖ్య కూడా పెరగనుందని పేర్కొన్నారు.
"బ్రిటన్లో ఆందోళనకరంగా మారిన డెల్టా వేరియంట్ను ఎదుర్కొనేందుకు తగిన చర్యలు తీసుకుంటాం. ప్రతిఒక్కరు వీలైనంత త్వరగా వ్యాక్సిన్ తీసుకోవడం మంచింది."
--డాక్టర్ జెన్నీ హారిస్, బ్రిటన్ ఆరోగ్య సంస్థ చీఫ్ ఎగ్జిక్యూటివ్.
డెల్టా వేరియంట్ వైరస్తో.. ఈ వారం 278 మంది, గత వారం 201 మంది ఆసుపత్రి పాలయ్యారని పీహెచ్ఈ తెలిపింది. ఇందులో ఎక్కువ మంది వ్యాక్సిన్ తీసుకోని వారేనని పేర్కొంది. బాల్టన్, బ్లాక్బర్న్, డార్వెన్ ప్రాంతాల్లో ఈ వేరియంట్ ప్రభావం తీవ్రంగా ఉన్నట్లు స్పష్టం చేసింది.
ఇదీ చదవండి:Delta Variant: డెల్టా వేరియంట్‌పై డబ్ల్యూహెచ్ఓ ఆందోళన!
