42 కిలోమీటర్లు నడిచిన దివ్యాంగుడు.. ఎందుకంటే?

పక్షవాతంతో బాధపడుతోన్న ఓ తొమ్మిదేళ్ల బాలుడు మొత్తం 42 కిలోమీటర్లు నడిచాడు. ఓ ఛారిటీ కోసం ఇంతటి సాహసం చేశాడు. ఈ నడక ద్వారా మొత్తం 50 వేల పౌండ్లు (రూ. 47 లక్షల) సంపాదించాడు ఆ బుడతడు. పిల్లల ఆసుపత్రికి ఈ మొత్తాన్ని విరాళంగా ఇస్తానని తెలిపాడు.

సంకల్పం ఉంటే వైకల్యం అడ్డురాదని నిరూపించాడు ఓ బాలుడు. శిశు పక్షవాతంతో బాధపడుతోన్న బ్రిటన్​​కు చెందిన తొమ్మిదేళ్ల బాలుడు ఓ స్వచ్ఛంద సంస్థ కోసం మారథాన్​లో పాల్గొన్నాడు. చేతి కర్ర సాయంతో బుడిబుడి అడుగులు వెసుకుంటూ మొత్తం 26.2 మైళ్ల(42 కిలోమీటర్లు) దూరాన్ని 70 రోజుల్లో పూర్తి చేశాడు . తన ఇంటి పరిసరాల్లో ఏర్పాటు చేసిన చివరి లైన్​ దాటి విజయవంతంగా తన లక్ష్యాన్ని ముగించాడు టోబిస్​ వెల్లర్​. ఈ మారథాన్​ కోసం రోజు తన తల్లితో కలిసి నడిచే వాడని స్థానికులు తెలిపారు.

టామ్​ మూర్​ ఆదర్శంతో ...

కరోనా పోరులో ముందుండి పోరాటం చేస్తున్న వైద్య సిబ్బంది కోసం 70 రౌండ్లు నడిచి 10 మిలియన్​ పౌండ్లను సంపాదించిన టామ్​ మూరే ఆదర్శంతో ఈ నడకను ప్రారంభించినట్లు తెలిపాడు వెల్లర్​. తన నడక ద్వారా మొత్తం 50 వేల పౌండ్లు (రూ.47 లక్షలు) సంపాదించాడు​. ఈ మొత్తాన్ని పిల్లల ఆసుపత్రి ఛారిటీకి, స్థానిక పిల్లల పాఠశాల అవసరాల కోసం ఖర్చు చేసేందుకు విరాళంగా ఇవ్వనున్నట్లు తెలిపాడు.

ఇదీ చూడండి:ఆ పెద్దాయన నడిచినందుకే 15 లక్షల పౌండ్ల విరాళం