'కొవిడ్​ పాస్​పోర్ట్​' ఉంటేనే వాటికి అనుమతి!

యూకేలో లాక్​డౌన్​ ఆంక్షలను దశల వారిగా సడలించనున్నట్లు తెలుస్తోంది. ఇందుకోసం ఆ దేశ ప్రధాని బోరిస్​ జాన్సన్​.. 'కొవిడ్ పాస్​పోర్ట్​' పేరుతో ప్రణాళిక రూపొందించినట్లు సమాచారం. ఈ కొవిడ్ పాస్​పోర్ట్ ఉంటేనే.. పలు కార్యకలాపాల పునరుద్ధరణకు అనుమతించే అవకాశం ఉంది.

బ్రిటన్​లో కరోనా నియంత్రణలోకి వస్తున్న నేపథ్యంలో లాక్​డౌన్​ ఆంక్షలను సడలించే అవకాశం కనిపిస్తోంది. లాక్​డౌన్​ కఠిన నిబంధనలను 'కొవిడ్​ పాస్​పోర్ట్స్​' పేరుతో దశలవారిగా ఎత్తివేస్తూ.. క్రీడలు, నైట్​క్లబ్​లు వంటి సామూహిక కార్యకలాపాలను తిరిగి ప్రారంభించనున్నట్లు తెలుస్తోంది. ఈ మేరకు సోమవారం.. ఆ దేశ ప్రధాని బోరిస్​ జాన్సన్​ ప్రకటన చేయనున్నట్లు సమాచారం.

రానున్న నెలల్లో జరగనున్న ట్రయల్​ ఈవెంట్స్​ వివరాలను జాన్సన్​ వెల్లడించనున్నారు. ఈ ట్రయల్​ ఈవెంట్స్​ ద్వారా వినోద ప్రదేశాలు, క్రీడా ప్రాంగణాలు, ఆడిటోరియాల్లోకి ప్రేక్షకులు రావడానికి ఎలా సహాయపడతాయో పరీక్షించనున్నారు. మహమ్మారి నియంత్రణలోకి వస్తున్న వేళ ఏడాది తర్వాత నిబంధనలు సడలించేందుకు యూకే ప్రభుత్వం యోచిస్తుంది.

ఈ ట్రయల్​ ఈవింట్​ సడలింపులు మే నెల మధ్య వరకు ఉంటాయని.. జూన్​ 21న పూర్తిగా సడలించే అవకాశముందని తెలిపారు. ఈ మేరకు జాన్సన్​.. ప్రణాళిక రూపొందించినట్లు తెలుస్తోంది.

ఇదీ చూడండి: చైనాలో బోటు ప్రమాదం - 12 మంది దుర్మరణం