ఈసారి వర్చువల్​గా నోబెల్​ పురస్కార ప్రదానోత్సవం

నోబెల్​ పురస్కార ప్రదానోత్సవ వేడుకల్లో మార్పు తెచ్చింది నోబెల్​ కమిటీ. ఈసారి వర్చవల్​గా ఈ కార్యక్రమాన్ని నిర్వహించేందుకు సిద్ధమవుతోంది. కరోనా వ్యాప్తి కొనసాగుతున్నందున ఈ నిర్ణయం తీసుకుంది.

నోబెల్​ కమిటీ కీలక నిర్ణయం తీసుకుంది. పురస్కార ప్రదానోత్సవాన్ని ప్రత్యక్ష పద్ధతిలో కాకుండా వర్చువల్​గా నిర్వహించేందుకు సిద్ధమవుతోంది. కరోనా దృష్ట్యా ఈ నిర్ణయాన్ని తీసుకున్నారు నార్వే నోబెల్​ కమిటీ అధికారులు.

డిజిటల్​గా జరిగే ఈ వేడుకల్లో ఐక్యరాజ్య సమితి ప్రధాన కార్యదర్శి ఆంటోనియో గుటెరస్​ పాల్గొనే అవకాశాలు ఉన్నాయి. వచ్చే ఏడాది ఓస్లేలోనే ఈ కార్యక్రమాన్ని నిర్వహిస్తామని ఆశాభావం వ్యక్తం చేసింది నోబెల్​ కమిటీ.

"ప్రస్తుత పరిస్థితుల నడుమ పురస్కార ప్రదానోత్సవాన్ని నిర్వహించడం సాధ్యం కాదు. అందుకే వర్చువల్​గా ఈ కార్యక్రమాన్ని నిర్వహించడానికి సిద్ధమవుతున్నాం. వచ్చే ఏడాది ఎప్పటిలాగే.. ఓస్లే సిటీ సెంట్రల్​ హాల్​లో నిర్వహిస్తామని మేం ఆశిస్తున్నాం."

-- నోబెల్​ కమిటీ

నోబెల్​ బహుమతి ప్రదానోత్సవాన్ని నార్వే రాజధాని ఓస్లో లోని సిటీ హాల్​లో నిర్వహించడం ఆనవాయితీగా వస్తోంది. అయితే.. అక్కడ ప్రస్తుతం మహమ్మారి ఉద్ధృతి కొనసాగతున్నందున తాజా నిర్ణయం తీసుకుంది నోబెల్​ కమిటీ. పురస్కార వ్యవస్థాపకుడు ఆల్ఫ్రెడ్​ నోబెల్​ వర్ధంతి సందర్భంగా.. ఏటా డిసెంబర్​ 10న ఈ కార్యక్రమాన్ని నిర్వహిస్తారు.

ప్రతిష్ఠాత్మక నోబెల్​ శాంతి పురస్కారాన్ని ఈ సారి ప్రపంచ ఆహార కార్యక్రమం(డబ్ల్యూఎఫ్​పీ)ని వరించింది.