హెలికాఫ్టర్లు ఢీకొని 13మంది సైనికుల మృతి

రెండు హెలికాఫ్టర్లు ఢీకొన్న ఘటనలో ఫ్రాన్స్​కు చెందిన 13 మంది సైనికులు మృతిచెందారు. ఆఫ్రికా దేశం మాలీలో ఉగ్రవాదులతో పోరాడుతుండగా సోమవారం సాయంత్రం ఈ ప్రమాదం జరిగింది.

పశ్చిమ ఆఫ్రికా దేశమైన మాలీలో హెలికాఫ్టర్​ ప్రమాదం జరిగింది. రెండు చాపర్లు ఢీకొన్న ఘటనలో ఫ్రాన్స్​కు చెందిన 13 మంది సైనికులు మృతి చెందారని ఆ దేశ అధ్యక్ష కార్యాలయం ప్రకటించింది.

మాలీలో ఇటీవల ఉగ్రదాడులు పెరిగాయి. ఈ నేపథ్యంలో ఫ్రాన్స్​ బలగాలు మాలీలో మోహరించాయి. ముష్కరులతో పోరాటం జరుగుతుండగా... రెండు చాపర్లు ఢీకొన్నాయని సమాచారం.