అమెరికా అధ్యక్ష ఎన్నికల్లో విజయం సాధించిన జో బైడెన్కు శుభాకాంక్షలు తెలిపారు చైనా అధ్యక్షుడు జిన్పింగ్. ఘర్షణలకు దిగకుండా.. ద్వైపాక్షిక సంబంధాల బలోపేతానికి ఇరు దేశాలు కృషి చేస్తాయని ఆశాభావం వ్యక్తం చేశారు. ఈ మేరకు బైడెన్కు సందేశం పంపారు.
"ఘర్షణలకు దిగకుండా, ఒకరినొకరు ఎదిరించుకోకుండా, పరస్పర గౌరవంతో, గెలుపే లక్ష్యంగా సహకరించుకుని, ఆరోగ్యవంతమైన, స్థిరమైన చైనా- అమెరికా బంధం కోసం ఆశిస్తున్నా. ఇతర దేశాలతో చేతులు కలిపి, అంతర్జాతీయ సంఘంలో ప్రపంచ శాంతిని ప్రచారం చేసేందుకు ఇరు దేశాలు కృషి చేయాలి."
--- జిన్పింగ్, చైనా అధ్యక్షుడు.
బైడెన్ గెలుపును అధ్యక్షుడు ట్రంప్ అంగీకరించకపోవడం వల్ల డెమొక్రాటిక్ నేతను అభినందించేందుకు సంకోచించింది చైనా. అయితే అన్నీ పక్కపెట్టి ఈ నెల 13న బైడెన్కు, ఉపాధ్యక్ష అభ్యర్థి కమలా హారిస్కు శుభాకాంక్షలు తెలిపింది. అమెరికా ప్రజల తీర్పును గౌరవిస్తున్నట్టు చైనా ప్రకటించింది.
ఇదీ చూడండి:- 'టీకా అభివృద్ధి కోసం భారత్కు సహకరిస్తాం'
