బంగ్లాదేశ్ రాజధాని ఢాకా శివార్లలోని శికోర్ ఆగ్రో ఫామ్లో ఉంటుంది రాణి అనే అవు. ఇది ప్రపంచంలోనే అతి చిన్న(26 అంగుళాల పొడవు) ఆవు అని రాణి యజమాని అంటున్నారు. గిన్నిస్ బుక్ రికార్డుల్లో ప్రస్తుతమున్న అతిచిన్న ఆవు కన్నా తన రాణి 4 అంగుళాలు చిన్నదని చెబుతున్నారు. అందువల్ల గిన్నిస్ బుక్ ఆఫ్ వరల్డ్ రికార్డుల్లో స్థానం కోసం దరఖాస్తు చేసుకున్నారు. జన్యు లోపాల కారణంగా రాణి ఇలా ఉందని, జీవితం మొత్తం ఇలాగే ఉండిపోయే అవకాశాలు ఎక్కువని అంటున్నారు.
ఇక్కడి వరకు కథ బాగానే ఉంది. కానీ రాణిని చూసేందుకు ప్రజలు తరలివెళుతున్నారు. రాణితో సెల్ఫీలు దిగేందుకు ఎగబడుతున్నారు. మూడురోజుల్లో 15వేల మంది రాణి సందర్శన కోసం వెళ్లారు. దీంతో ఆ ప్రాంతం కొవిడ్ హాట్స్పాట్గా మారే అవకాశాలు పెరిగిపోయాయి. కరోనా ఆంక్షలను లెక్కచేయకుండా ప్రజలు తరలివెళ్లడం ఆందోళకనరం.
జూన్ చివర్లో కరోనా కేసులు, మరణాలు అధికమైన కారణంగా దేశవ్యాప్తంగా కఠినమైన లాక్డౌన్ను అమలు చేసింది అక్కడి ప్రభుత్వం. అయినప్పటికీ ప్రజలు ఇలా బయటకు వచ్చి సంచరిస్తుండటం ఆందోళనకరమని ఆ దేశ అధికారులు ఆందోళన వ్యక్తం చేస్తున్నారు.
ఇదీ చూడండి:- ఆడ ఏనుగుల మధ్య గొడవ- మగ గజం సయోధ్య!
