వీసా గడువు ముగిసినప్పటికీ అమెరికాలోనే ఉంటున్న పాకిస్థానీయుల పట్ల ట్రంప్ సర్కార్ ఆగ్రహం వ్యక్తం చేసింది. వారిని స్వదేశానికి రప్పించేందుకు పాక్ నిరాకరించిన నేపథ్యంలో... ఆ దేశంపై ఆంక్షలు విధించింది.
'వీసా' సంబంధిత అంశాల్లోనే ఈ ఆంక్షలుంటాయని, దౌత్య సంబంధాల్లో ఎలాంటి మార్పూ ఉండదని పేర్కొన్నారు అధికారులు.
'పాక్తో దౌత్య సంబంధ విషయాల్లో ఎలాంటి మార్పులుండవు. కానీ... ఆంక్షలు విధిస్తున్నట్లు ఏప్రిల్ 22న ఫెడరల్ రిజిస్ట్రార్ నోటిఫికేషన్ విడుదల చేసింది. దీని వల్ల పాకిస్థానీయులకు వీసాల మంజూరు ప్రక్రియను నిలిపివేయవచ్చు' అని ఉన్నతాధికారి ఒకరు తెలిపారు.
వీసా గడువు ముగిసిన వారిని.. అమెరికా న్యాయ నిబంధనల ప్రకారం వెనక్కి తీసుకెళ్లడానికి నిరాకరిస్తున్న పది దేశాల జాబితాలో పాక్ కూడా చేరింది. ఇదివరకే గయానా, గాంబియా, కంబోడియా, ఎరిట్రియా, గునియా, సియెర్రా లియోన్, బర్మా, లావోస్, ఘనా దేశాలపై ఆంక్షలు విధించింది అమెరికా.
మొదటిసారిగా గయానాపై 2001లో చర్యలు తీసుకుంది.
అమెరికా చర్యపై అక్కడి పాక్ మాజీ రాయబారి హుస్సేన్ హక్కానీ స్పందించారు. ఇకపై అమెరికా వెళ్లాలనుకునే పాకిస్థాన్ వాసులకు ఇబ్బందులు తప్పవని అభిప్రాయపడ్డారు.
ఇదీ చూడండి:
