అగ్ని ప్రమాదంలో 8 మంది సజీవ దహనం

యెమెన్​లో ఓ నిర్బంధ కేంద్రంలో సంభవించిన అగ్ని ప్రమాదంలో 8 మంది మృతి చెందారు. 170 మందికి పైగా క్షతగాత్రులయ్యారు. వారిలో 90 మంది పరిస్థితి విషమంగా ఉంది.

యెమెన్​ రాజధాని సానాలోని ఓ వలసదారుల నిర్బంధ కేంద్రంలో ఘోర అగ్ని ప్రమాదం సంభవించింది. ఈ ఘటనలో 8 మంది ప్రాణాలు కోల్పోయారు. 170కి పైగా మంది గాయపడ్డారు. ఈ మేరకు ది ఇంటర్నేషనల్​ ఆర్గనైజేషన్ ఫర్​ మైగ్రేషన్​(ఐఓఎం) తెలిపింది. వారిలో 90 మంది పరిస్థితి విషమంగా ఉందని పేర్కొంది. అయితే.. ప్రమాదానికి గల కారణమేంటో తెలియరాలేదని చెప్పింది.

ఈ నిర్బంధ కేంద్రాన్ని హౌతీ తిరుబాటుదారులు నిర్వహిస్తున్నారు. ప్రమాద కారణాన్ని తెలుసుకునేందుకు దర్యాప్తు చేస్తున్నామని వారు తెలిపారు. నిర్బంధం కేంద్రంలోని ప్రధాన భవనం వద్ద ఈ అగ్ని ప్రమాదం జరిగిందని ఐక్యరాజ్య సమితికి చెందిన ఓ అధికారి తెలిపారు. ఈ కేంద్రంలో 700 మందికిపైగా వలసదారులను నిర్బంధించారని చెప్పారు.

ఇదీ చూడండి:యెమెన్​లో తీవ్ర ఘర్షణలు-100 మంది మృతి