జపాన్ ఒసాకాలో ఈ వారం జరగనున్న జీ-20 సదస్సులో చైనా అధ్యక్షుడు షీ జిన్పింగ్, రష్యా అధ్యక్షుడు వ్లాదిమిర్ పుతిన్తో అమెరికా అధ్యక్షుడు డొనాల్డ్ ట్రంప్ భేటీ కానున్నారు.
జాబితాలో చాలా మందే...
భారత ప్రధాని నరేంద్ర మోదీ, జర్మన్ ఛాన్స్లర్ ఏంజెలా మెర్కెల్, టర్కీ అధ్యక్షుడు ఎర్డోగన్, జపాన్ ప్రధాని షింజో అబే, ఆస్ట్రేలియా ప్రధాని స్కాట్ మారిసన్ సహా పలువురు దేశాధినేతలతో ట్రంప్ చర్చలు జరపనున్నారు.
వాణిజ్య యుద్ధం ముగిసేనా..?
ట్రంప్, జిన్పింగ్ సమావేశంతో అమెరికా, చైనా మధ్య కొనసాగుతున్న వాణిజ్య యుద్ధం ముగిసే దిశగా మరో అడుగు పడుతుందని విశ్లేషకులు అంచనా వేస్తున్నారు.
ఈ సమావేశం కోసం ఇప్పటికే ఇరు దేశాల ఉన్నత స్థాయి ప్రతినిధులు ఫోన్లో సంభాషించినట్లు చైనా మీడియా పేర్కొంది. జీ20 సదస్సు ప్రారంభమైన రెండో రోజు.. జూన్ 29న ట్రంప్-జిన్పింగ్ భేటీ జరిగే అవకాశం ఉంది.
సౌదీ యువరాజుతో...
సౌదీ యువరాజు మహమ్మద్ బిన్ సల్మాన్తో ఇరాన్- అమెరికా ఉద్రిక్తతలపై ప్రత్యేకంగా ట్రంప్ చర్చించనున్నారు.
సియోల్కు పయనం...
జీ20 సదస్సు ముగిశాక అమెరికా అధ్యక్షుడు దక్షిణ కొరియా సియోల్కు పయనం కానున్నారు. అయితే ఈ పర్యటనలో ఉత్తర, దక్షిణ కొరియా సరిహద్దులోని సైనిక రహిత ప్రాంతాన్ని (డీఎమ్జెడ్) ట్రంప్ సందర్శిస్తారా లేదా అన్న విషయంపై అమెరికా స్పష్టత ఇవ్వలేదు.
ఉత్తర కొరియా అధ్యక్షుడు కిమ్ జోంగ్ ఉన్తో మాత్రం భేటీ లేదని అగ్రరాజ్యం తెలిపింది. ఇప్పటికే ఇరు దేశాధినేతలు 2 సార్లు భేటీ అయ్యారు.
- ఇదీ చూడండి: ఇరాన్పై అమెరికా తాజా ఆంక్షలతో సర్వత్రా ఆందోళన
- ఇదీ చూడండి: వాళ్లొస్తున్నారని 'రెడ్ లైట్ ఏరియా' బంద్
