ట్రంప్-కిమ్ సాక్షిగా జవాన్లు, పాత్రికేయుల ఫైట్
అమెరికా అధ్యక్షుడు డొనాల్డ్ ట్రంప్ ఉత్తర కొరియా చారిత్రక పర్యటనను కవర్ చేసేందుకు వచ్చిన మీడియా ప్రతినిధులపై... భద్రతా సిబ్బంది దురుసుగా ప్రవర్తించారు. ఫలితంగా ఇరు వర్గాలకు వాగ్యుద్ధం జరిగింది. ఘర్షణకు దారితీసింది. పరిస్థితి కాసేపు ఉద్రిక్తంగా మారింది.
త్వరలో బాధ్యతలు చేపట్టబోతున్న శ్వేతసౌధం మీడియా కార్యదర్శి స్టెఫానీ గ్రిషామ్ ఈ ఘర్షణలో గాయపడ్డారు.
పన్మున్జామ్లో ట్రంప్, కిమ్ భేటీ కోసం ఉద్దేశించిన ఫ్రీడమ్ హౌస్లో విలేకరులు ప్రవేశించేందుకు ప్రయత్నించగా భద్రతా సిబ్బంది అడ్డుకున్నారు. ఈ సందర్భంగా ఘర్షణ జరిగింది. అమెరికా విలేకరులను గదిలోకి ప్రవేశించకుండా కొరియా సిబ్బంది అడ్డుకున్నారు. సీక్రెట్ సర్వీస్ జోక్యం చేసుకుని పరిస్థితిని అదుపులోకి తెచ్చింది.
ఇదీ చూడండి: మన్ కీ బాత్ 2.0: ప్రజా ఉద్యమంలా జల సంరక్షణ
