అఫ్గానిస్థాన్ నుంచి అమెరికా బలగాల ఉపసంహరణలో మరో కీలక ఘట్టం పూర్తయింది. అఫ్గాన్లో అగ్రరాజ్య టాప్ కమాండర్ జనరల్‌ స్కాట్‌ మిల్లర్ తన బాధ్యతల నుంచి తప్పుకొన్నారు. కాబూల్‌లో సోమవారం ఏర్పాటుచేసిన ఓ కార్యక్రమంలో అధికారికంగా ఈ తంతును పూర్తిచేశారు.
ఆయన స్థానంలో మెరైన్‌ జనరల్‌ ఫ్రాంక్‌ మెకెంజీ ఇకపై ఆ బాధ్యతలను చూసుకుంటారు. ఫ్లోరిడాలోని సెంట్రల్‌ కమాండ్‌ ప్రధాన కార్యాలయం నుంచే మెకెంజీ పనిచేస్తారు. అవసరమైతే అక్కడి నుంచే అఫ్గాన్ ప్రభుత్వ బలగాల రక్షణ కోసం వైమానిక దాడులు జరిపిస్తారు. మిల్లర్ 2018 నుంచి అఫ్గాన్లో అమెరికా టాప్ కమాండర్‌గా ఉన్నారు.
ఇవీ చదవండి:'అఫ్గాన్లో పట్టుబిగిస్తున్న తాలిబాన్లు'
