అఫ్గాన్​లో మరోసారి తాలిబన్ల బీభత్సం

అఫ్గానిస్థాన్​లోని ప్రధాన నగరం కుందుజ్​లో తాలిబన్లు రెచ్చిపోయారు. ​ఆ ప్రాంతంలోని ఆసుపత్రిపై బాంబు దాడి చేసి అల్లకల్లోలం సృష్టించారు. అక్కడి రోగులతో పాటు 8 మంది సైనికులను బందీలుగా చేశారని ప్రభుత్వాధికారులు తెలిపారు. ముగ్గురు సైనికులు మృతిచెందగా మరో 11 మంది గాయాలపాలయ్యారు. ప్రభుత్వ బలగాల దాడిలో 35 మంది తాలిబన్లు హతమయ్యారు.

అఫ్గానిస్థాన్​లో తాలిబన్లు మరోసారి విధ్వంసం సృష్టించారు. భారీ కారుబాంబు పేలుడుకు పాల్పడ్డారు. సామాన్యులే లక్ష్యంగా కుందుజ్​ అనే నగరంలోని ఆసుపత్రిపై దాడి చేసి బీభత్సం సృష్టించారు. అక్కడి రోగులతో సహా 8 మంది జవానులను బందీలుగా తీసుకెళ్లారు. ఈ ఘటనలో ముగ్గురు సైనికులు ప్రాణాలు కోల్పోయారు. మరో 11 మందికి తీవ్ర గాయాలయ్యాయి.ప్రభుత్వ భద్రతా బలగాల దాడుల్లో 35 మంది తాలిబన్లు హతమయ్యారు.

చర్చలు జరుగుతుండగానే...

అఫ్గానిస్థాన్​లో శాంతి కోసం తాలిబన్లు, అమెరికా మధ్య చర్చలు జరుగుతున్న సమయంలోనే ఆ ఉగ్రసంస్థ దాడికి తెగబడింది. ఓ ఆసుపత్రిలోకి చొచ్చుకెళ్లి గాయపడ్డ రోగులను తమ అదుపులోకి తీసుకుంది. తాలిబన్లు, అఫ్గాన్ భద్రతా దళాల మధ్య తీవ్ర ఘర్షణ చెలరేగింది. ఇరువైపులా ప్రాణనష్టం జరిగింది.

దాడికి బాధ్యత వహిస్తూ ప్రకటన విడుదల చేసింది తాలిబన్​ సంస్థ.

''18 సంవత్సరాల యుద్ధాన్ని ముగించే లక్ష్యంతో అమెరికాతో చర్చలు జరుపుతున్నప్పటికీ... భద్రతాదళాలను, సామాన్య ప్రజలను లక్ష్యంగా చేసుకుని దాడులు కొనసాగిస్తూనే ఉంటాం.''

-జబీహుల్లా ముజాహిద్, తాలిబన్ ప్రతినిధి

ఇదీ చూడండి : అసోం ఎన్​ఆర్​సీపై సర్వత్రా అసంతృప్తి