చైనా స్ప్రింగ్ ఫెస్టివల్ (వసంత పండగ) సంబరాలు అంబరాన్నంటనున్నాయి. పాటలు, నృత్య ప్రదర్శనలతో హోరెత్తించడానికి చైనా వాసులు సిద్ధంగా ఉన్నారు. అందుకు తగిన ఏర్పాట్లు ముమ్మరంగా సాగుతున్నాయి. ఇప్పటికే కళాకారులు రిహార్సల్స్ చేస్తున్నారు. వేడుకల్లో భాగంగా రకరకాల కార్యక్రమాలతో వీక్షకుల్ని మంత్రముగ్ధుల్ని చేయనున్నారు.
'కలలు సాకారం చేసుకోండి... కొత్త సంవత్సరాన్ని ఆనందంగా గడపండి' అనే ఇతివృత్తంతో 2020 వేడుకలు జరగనున్నాయి. ఈ స్ప్రింగ్ ఫెస్టివల్లో ప్రేమికులు తమ ప్రేమను వ్యక్తపరుచుకుంటారు. స్నేహితులు, కుటుంబసభ్యులు ఇలా మాతృదేశం మీద ప్రేమ ఉన్న ప్రతి ఒక్కరి కలలు సాకారం కావాలని.. వారి బాగు కోరుతూ ప్రజలంతా వేడుకలను సంతోషంగా జరుపుకుంటారు. వేలాది మంది ప్రజలు ఈ కార్యక్రమానికి హాజరవుతారు.
దేశవ్యాప్తంగా ఎటు చూసినా విద్యుద్దీపాలే దర్శనమిచ్చేలా ఏర్పాట్లు చేస్తున్నారు అధికారులు. వివిధ రకాల పరిమాణాలు, ఆకారాలతో ఉన్న లాంతర్లు సందర్శకుల్ని ఆకర్షించనున్నాయి.
ఇదీ చదవండి: 'కే-9 వజ్ర' యుద్ధ ట్యాంకును ఆవిష్కరించిన రాజ్నాథ్
