పాకిస్థాన్లో ఘోర ప్రమాదం జరిగింది. రావల్పిండి నగరానికి సమీపంలోని మొరకలు గ్రామంలో ఆ దేశ సైన్యానికి చెందిన విమానం కుప్పకూలింది. ఈ ఘటనలో 17 మంది ప్రాణాలు కోల్పోయారు. మృతుల్లో ఐదుగురు సిబ్బంది, 12 మంది స్థానికులు ఉన్నారు. మరికొందరు తీవ్రంగా గాయపడ్డారు. మృతుల సంఖ్య మరింత పెరిగే అవకాశముందని అధికారులు భావిస్తున్నారు.
మంగళవారం తెల్లవారుజామున ఈ ప్రమాదం చోటుచేసుకుంది. ఘటనాస్థలానికి చేరుకున్న అధికారులు సహాయక చర్యలు ముమ్మరం చేశారు. క్షతగాత్రులను ఆసుపత్రికి తరలించారు.
ప్రమాదానికి గల కారణాలు ఇంకా తెలియరాలేదని సైన్యాధికారులు వెల్లడించారు.
ఇదీ చూడండి: బ్రెజిల్ జైలులో ఘర్షణ-52 మంది మృతి
