Park Geun-Hye Jail: అవినీతికి పాల్పడిన కారణంగా జైలు శిక్ష అనుభవిస్తున్న దక్షిణకొరియా మాజీ అధ్యక్షురాలు పార్క్ గున్ హైకు క్షమాభిక్ష ప్రకటించింది అక్కడి ప్రభుత్వం. ఈనెల 31న ఆమెను విడుదల చేయనున్నట్లు స్పష్టం చేసింది. గతాన్ని మర్చిపోయి దేశ ప్రజలంతా ఐక్యంగా.. కరోనా పరిస్థితులను సమష్టిగా ఎదుర్కోవాలనే లక్ష్యంతో ఈ నిర్ణయం తీసుకున్నట్లు వెల్లడించింది. పార్క్తో పాటు డిసెంబరు 31న మరో 3,093 మంది ఖైదీలను క్షమాభిక్ష కింద విడుదల చేయనున్నట్లు స్పష్టం చేసింది.
"గతంలో నెలకొన్న ఇబ్బందులను మర్చిపోయి ఓ కొత్త శకంవైపు అడుగులు వేయాలి. భవిష్యత్తును దృష్టిలో ఉంచుకుని కలిసికట్టుగా పోరాడాల్సిన సమయం వచ్చింది. గత ఐదేళ్లుగా కారాగార శిక్ష అనుభవిస్తున్న మాజీ అధ్యక్షురాలు పార్క్ ఆరోగ్యం బాగా క్షీణించింది. దీనిని కూడా పరిగణించి మేము ఈ నిర్ణయం తీసుకున్నాము."
-మూన్‌ జే ఇన్‌, దక్షిణ కొరియా అధ్యక్షుడు
పార్క్.. అవినీతికి పాల్పడ్డారన్న ఆరోపణలపై 2017లో అరెస్ట్ అయ్యారు. ఆమెకు 20 ఏళ్ల జైలు శిక్షను విధించింది. అయితే ఇదంతా తనపై పలువురు చేస్తున్న ప్రతీకార్య చర్యలో భాగం అనేది పార్క్ వాదన.
ఇదీ చూడండి : హెచ్-1బీ వీసా ఇంటర్వ్యూపై అమెరికా కీలక ప్రకటన!
