అంధకారంలోకి పాకిస్థాన్​- కారణమిదే..

పాకిస్థాన్​లోని అనేక ప్రాంతాల్లో శనివారం రాత్రి విద్యుత సరఫరా నిలిచిపోయింది. దేశ రాజధాని సహా పలు నగరాలు అంధకారంలోకి వెళ్లాయి. పూర్తిస్థాయిలో విద్యుత్తు సరఫరా పునరుద్ధరించేందుకు సమయం పడుతుందని అధికారులు ప్రకటించారు.

పాకిస్థాన్​ ఒక్కసారిగా అంధకారంలోకి వెళ్లింది. దేశ రాజదాని సహా పలు ప్రాంతాల్లో విద్యుత్​​ సరఫరా నిలిచిపోయింది. శనివారం అర్ధరాత్రి జరిగిన ఆకస్మిక​ పరిణామం వల్ల కరాచీ, లాహోర్​, ఇస్లామాబాద్​ వంటి పెద్ద నగరాలతో పాటు పలు ప్రాంతాలు అంధకారంలో ఉన్నాయి. విద్యుత్ వ్యవస్థ స్తంభించటానికి గల కారణమేంటని సామాజిక మాధ్యమాల్లో ప్రజలు ప్రశ్నల వర్షం కురిపించారు. ప్రభుత్వం, అధికారులపై విమర్శలు చేశారు.

జాతీయా విద్యుత్​ సరఫరా వ్యవస్థ(ఎన్​టీడీసీ)లో తలెత్తిన లోపం​ వల్లే ఇలా జరిగిందని ఇస్లామాబాద్​ డిప్యూటీ కమిషనర్​ హంజ షఫ్​కత్​ తెలిపారు. విద్యుత్​ సరఫరాను తిరిగి పునరుద్ధరించడానికి కొంత సమయం పడుతుందని చెప్పారు.

"విద్యుత్​ సరఫరా ఒక్కసారిగా నిలిచిపోవడానికి ఫ్రీక్వెన్సీ 50 నుంచి సున్నాకు పడిపోవడమే కారణం. అసలు విద్యుత్​ ఫ్రీక్వెన్సీ సున్నాకు పడిపోవడానిక గల కారణమేంటో తెలుసుకునే పనిలో ఉన్నాం. ప్రజలు సంయమనంతో ఉండాలని కోరుతున్నా."

- ఒమర్​ అయుబ్, ​విద్యుత్​ శాఖ మంత్రి

తాజా పరిస్థితులపై ఎప్పటికప్పుడు ప్రజలకు సమాచారం అందిస్తామ​ని తెలిపారు మంత్రి. విద్యుత్తు శాఖతో పాటు పలు విభాగాలు సరఫరా పునరుద్ధరించేందుకు కృషి చేస్తున్నట్లు చెప్పారు.

ఇదీ చూడండి: 'బాలాకోట్​ దాడుల్లో 300 మంది ఉగ్రవాదులు మరణించారు'