ఇండోనేసియాలో పడవ ప్రమాదం.. ఏడుగురు మృతి

ఇండోనేసియాలోని సులవేసి ద్వీపంలో శనివారం అర్ధరాత్రి ఓ పడవ ప్రమాదానికి గురైంది. ఈ ఘటనలో ఏడుగురు మృతి చెందారు. మరో నలుగురు గల్లంతయ్యారు. ఇప్పటి వరకు 61 మందిని సురక్షితంగా రక్షించారు సహాయక సిబ్బంది.

ఇండోనేసియాలోని సులవేసి ద్వీపంలో ప్రయాణికులతో వెళ్తున్న ఓ పడవలో అగ్ని ప్రమాదం జరిగింది. శనివారం అర్ధరాత్రి జరిగిన ఈ ఘటనలో ఏడుగురు మృతి చెందారు. మరో నలుగురు గల్లంతయ్యారు.

మధ్య సులవేసిలోని ఓ ద్వీపానికి పలువురు ప్రయాణికులతో వెళ్తున్న ఈ పడవలో ఒక్కసారిగా మంటలు చెలరేగాయి. అగ్ని జ్వాలలు వేగంగా పడవ మొత్తాన్ని చుట్టిముట్టాయి. ప్రమాదం జరిగిన వెంటనే ఘటనా స్థలానికి చేరుకున్న సహాయక సిబ్బంది ఇప్పటి వరకు 61 మందిని రక్షించారు. గల్లంతైన వారికోసం గాలింపు చర్యలు కొనసాగుతున్నాయి.

పడవ ఇంజిన్​ నుంచి వచ్చిన నిప్పు రవ్వలే ప్రమాదానికి కారణమని భావిస్తున్నారు.

ఇదీ చూడండి : లండన్​లో హాంకాంగ్ ​- చైనా పోటాపోటీ​ నిరసనలు