తీవ్రస్థాయి కొవిడ్-19 వల్ల ఊపిరితిత్తుల్లో జరిగే నష్టాన్ని జర్మనీ శాస్త్రవేత్తలు ఆవిష్కరించారు. దెబ్బతిన్న ఊపిరితిత్తుల కణజాలాన్ని చిత్రీకరించడానికి వీరు హై రిజల్యూషన్ ఇమేజింగ్ తో కూడిన వినూత్న విధానాన్ని ఉపయోగించారు.
కరోనా మహమ్మారికి చికిత్స చేయడానికి కొత్త మార్గాలను కనుగొనడానికి ఈ పరిశోధన ఉపయోగపడుతుందన్నారు జర్మనీ శాస్త్రవేత్తలు. గాటింగెన్ విశ్వవిద్యాలయ చేపట్టిన ఈ పరిశోధనలో ఒక వినూత్న ఎక్స్ రే విధానాన్ని కనుగొన్నారు. ఇది కరోనా వైరస్ తో దెబ్బతిన్న ఊపిరితిత్తులను త్రీడీ, అత్యధిక రిజల్యూషన్ తో చీత్రీకరించడానికి వీలు కల్పించింది.
"అంతర్గంతంగా ఏం జరుగుతోందన్నది మనం స్పష్టంగా చూడటం వల్ల రోగి ఉపశమనానికి ఎలాంటి విధానాలు, ఔషధాలు ఉపయోగించాలన్నదానిపై స్పష్టత వస్తుంది."
-డేనీ జోనిగ్, శాస్త్రవేత్త
ఇదీ చదవండి: పాస్‌పోర్టు వెరిఫికేషన్ ప్రైవేటు చేతికి!
