Saudi Tablighi Jamaat: ఇస్లామిక్ సంస్థ.. తబ్లిగీ జమాత్ను సౌదీ అరేబియా నిషేధించింది. దీనితో సమాజానికి ప్రమాదమని తేల్చిచెప్పింది.
ప్రపంచ దేశాలకు ముప్పుగా పరిణమిస్తున్న ఉగ్రవాదానికి.. తబ్లిగీ ఒక మార్గమని ఆ సంస్థను ఉద్దేశించి వ్యాఖ్యానించింది సౌదీ ప్రభుత్వం. ఈ మేరకు ఇస్లామిక్ వ్యవహారాల మంత్రి డా. అబ్దుల్లతీఫ్ అల్ షేక్ ఓ ప్రకటన చేశారు.
తబ్లిగీ జమాత్తో సమాజానికి ముప్పు పొంచి ఉందని ప్రజలకు తెలియజేయాలని మసీదులకు ఆదేశించింది సౌదీ ప్రభుత్వం. ఆ సంస్థ కార్యకలాపాలకు దూరంగా ఉండాలని స్పష్టం చేసింది.
తబ్లిగీ జమాత్ పని.. ముస్లింలను ప్రోత్సహించడం, సున్నీ ఇస్లాంను అనుసరించాలని ఇతరులకు ఉద్బోధ చేయడం.
94 సంవత్సరాల క్రితం 1926లో మౌలానా మహ్మద్ ఇలియాస్.. తబ్లిగీ జమాత్ను ప్రారంభించారు. ఇస్లాంలు.. దీనిని మత సంస్కరణల ఉద్యమంగా వ్యాప్తి చేశారు.
ఉగ్రవాద సంస్థలతో సంబంధాలున్నాయని దీనిపై పలుమార్లు ఆరోపణలు వచ్చాయి. ప్రపంచవ్యాప్తంగా దాదాపు 35-30 కోట్ల మంది ముస్లింలు.. తబ్లిగీని అనుసరిస్తున్నట్లు సమాచారం. 100 దేశాలకుపైగా తబ్లిగీ ఉనికి ఉంది. ఇండోనేసియా, మలేసియా, పాకిస్థాన్, బంగ్లాదేశ్, థాయిలాండ్ వంటి దేశాల్లో తబ్లిగీలు కోట్లల్లో ఉన్నారు.
భారత్లో వారిపై నిషేధం..
Tablighi Jamaat News: 2020 మార్చిలో భారత్లో కరోనా వ్యాప్తికి తబ్లిగీ జమాతే ప్రధాన కారణమని కేంద్రం అభిప్రాయపడింది. దేశవ్యాప్తంగా ఆంక్షలు ఉన్న సమయంలో నిజాముద్దీన్లో జరిగిన తబ్లిగీ జమాత్ మతపరమైన కార్యక్రమానికి వేలాదిగా హాజరయ్యారని పేర్కొంది. వీరిలో చాలా మందికి కరోనా పాజిటివ్గా తేలింది. ఆ తర్వాత దేశంలో కరోనా వేగంగా విస్తరించింది.
Tablighi Jamaat Banned in India: ఈ కార్యకలాపాల్లో పాల్గొన్న 2500 మందికిపైగా విదేశీయులను భారత్లో ప్రవేశించకుండా పదేళ్ల నిషేధం విధించింది.
ఇవీ చూడండి: తబ్లిగీ జమాతే విదేశీయులపై పదేళ్ల పాటు నిషేధం
