కరోనా వైరస్‌ను ఎదుర్కొనేందుకు రష్యా అభివృద్ధి చేసిన స్పుత్నిక్వీ వ్యాక్సిన్.. 91 శాతం సమర్ధవంతంగా పనిచేస్తుందని లాన్సెట్ స్టడీ ప్రచురించింది. ఈ వ్యాక్సిన్‌పై చేసిన మూడో దశ ట్రయల్స్‌తోపాటు వివిధ అంశాలను పరిగణనలోకి తీసుకొని స్పుత్నిక్వీ టీకా సమర్ధతని లెక్కగట్టామని ఆ దేశ పరిశోధకులు వెల్లడించారు.
ట్రయల్స్లో పాల్గొన్న దాదాపు 20 వేల మందినుంచి సమాచారాన్ని విశ్లేషించినట్లు లాన్సెట్ తెలిపింది. ఎవ్వరిపైనా పెద్దగా ప్రతికూల ప్రభావం చూపలేదని స్పష్టం చేసింది.
ప్రపంచంలోనే మెుట్టమెుదటగా కరోనా వ్యాక్సిన్‌ను తామే తయారు చేశామని రష్యా గతేడాది ఆగస్టు 11న ప్రకటించింది. ఆ దేశ అధ్యక్షుడు వ్లాదిమిర్‌ పుతిన్‌ స్వయంగా ఈ విషయాన్ని వెల్లడించారు.
ఇదీ చూడండి: మూణ్నెళ్లా.. ఆర్నెళ్లా.. రెండేళ్లా? ఏ టీకా పవరెంత?
