ప్రపంచ దేశాల్లో కొవిడ్ విజృంభణ కొనసాగుతోంది. రోజూ సగటున 5 లక్షల మందికిపైగా వైరస్ బారిన పడుతున్నారు. దీంతో మొత్తం కరోనా బాధితుల సంఖ్య 6 కోట్ల 80 లక్షల 82 వేలు దాటింది. మృతుల సంఖ్య 15 లక్షల 54 వేలకు చేరువైంది. అయితే 4 కోట్ల 71 లక్షల 57 వేలమందికి పైగా వైరస్ నుంచి కోలుకున్నారు.
రష్యాలో ఉగ్రరూపం
రష్యాలో కరోనా విస్తరణ కొనసాగుతోంది. వైరస్ కేసులు నిలకడగా నమోదవుతున్నాయి. తాజాగా 26,097 మందికి కొవిడ్ సోకింది. మరో 562 మంది ప్రాణాలు కోల్పోయారు.
ఇరాన్లోనూ వైరస్ కేసులు భారీగానే వెలుగుచూస్తున్నాయి. కొత్తగా 11,023 మందికి వైరస్ పాజిటివ్గా తేలింది. 323 మంది మరణించారు.
- ఉక్రెయిన్లో తాజాగా 10,811 మంది మహమ్మారి బారిన పడ్డారు. మరో 195 మంది చనిపోయారు.
- పొలండ్లో ఒక్కరోజే 8,312 కొవిడ్ కేసులు నమోదయ్యాయి. మరో 411 మంది వైరస్కు బలయ్యారు.
- రొమేనియాలో కొత్తగా 7,439 వైరస్ బారిన పడ్డారు. 213 మంది చనిపోయారు.
- ఇండోనేసియాలో తాజాగా 5,292 కొవిడ్ కేసులు బయటపడగా.. 133 మంది మృతి చెందారు.
ఇదీ చూడండి: 'సరిహద్దు ఉద్రిక్తతపై భారత్తో చర్చిస్తున్నాం'
