డ్రైనేజీలో 13 అడుగుల నాగుపాము బుసలు..!
దక్షిణ థాయ్లాండ్లోని, క్రాబీ పట్టణంలో 13 అడుగుల అరుదైన భారీ నాగు పామును సహాయక సిబ్బంది సాహసోపేతంగా పట్టుకున్నారు.
15 కిలోల బరువు, 4 మీటర్ల పొడవు ఉన్న ఈ భారీ సర్పం జనావాసాల్లోకి వచ్చేసింది. హడలిపోయిన స్థానికులు అధికారులకు సమాచారమిచ్చారు.
క్రాబీ పిటాక్‌ప్రాచా ఫౌండేషన్‌కు చెందిన సహాయక బృందంలో పామును పట్టడంలో నిపుణుడైన ఒకరు ఈ కింగ్ కోబ్రాను డ్రైనేజీలో వెంబడించి మరీ పట్టుకున్నాడు. చేతులకు ఎలాంటి గ్లౌజులూ ధరించకుండా సాహసోపేతంగా సర్పాన్ని బంధించాడు.
ఈ అరుదైన కింగ్ కోబ్రాను వన్యప్రాణుల అభయారణ్యానికి తరలించారు అధికారులు.
ఇదీ చూడండి:అమావాస్య వచ్చిందంటే చాలు.. రక్తం తాగే మనిషి!
