SBI Bank Alert on Deepfake Videos : ఎస్బీఐ (భారతీయ స్టేట్ బ్యాంక్)పేరిట సోషల్ మీడియాలో వైరల్ అవుతున్న ప్రకటనలపై తాజాగా ఆ బ్యాంకు స్పందించింది. అవి డీప్‌ఫేక్ వీడియోలని, అలాంటి ఫేక్ వీడియోలను నమ్మి ఎవరూ మోసపోవద్దని తమ ఖాతాదారులకు, ప్రజలకు సూచించింది. ఎస్బీఐ ఎప్పుడూ ఇలాంటి ప్రకటనలు చేయదని బ్యాంకు వర్గాలు స్పష్టం చేశాయి. ఈ మేరకు ఎస్బీఐ ఓ ప్రకటన విడుదల చేసింది.
సోషల్ మీడియాలో ఫేక్ ప్రకటనలేంటి? : ఎస్‌బీఐకి చెందిన ఉన్నతాధికారుల పేర్లతో ఇన్వెస్ట్మెంట్ స్కీమ్ ప్రకటనలను జారీ చేసినట్లు ఎస్బీఐ గుర్తించింది. ఈ డీప్ ఫేక్ వీడియోలపై బ్యాంకు వినియోగదారులను ముందు జాగ్రత్తగా అప్రమత్తం చేసింది. పెద్ద ఎత్తున లాభాలు వస్తాయంటూ ఎస్బీఐ మేనేజ్మెంట్ వెల్లడించినట్లు సోషల్ మీడియాలో వస్తున్న వీడియోలన్నీ ఫేక్ అని స్పష్టం చేసింది. ఎస్బీఐ ఎప్పుడూ ఇలాంటి ప్రకటనలను చేయదని బ్యాంకు అధికారిక వర్గాలు స్పష్టం చేశాయి. ఇలాంటి వాటిని చూసి వినియోగదారులు మోసపోవద్దని తెలిపింది.
ఎస్బీఐ అని చెప్పుకుంటూ వివిధ స్కీమ్స్‌ అని కొందరు డీప్ వీడియోల ద్వారా ప్రచారం చేస్తున్నారు. వాళ్లు ప్రకటించిన స్కీములకు సంబంధించి బ్యాంకుతో గానీ, అధికారులతో గానీ ఎలాంటి సంబంధం లేదు. వివిధ బ్యాంకు పథకాల్లో ఇన్వెస్ట్మెంట్ పెట్టడంటూ కొంత మంది నేరగాళ్లు చేస్తున్న ప్రచారాన్ని నమ్మవద్దు. ఇలాంటి ఫేక్ వీడియోలలో ఎక్కువ రాబడి వస్తుందంటూ ఎస్బీఐ ఎప్పుడూ ఎవరికీ హామీ ఇవ్వదు. ఇలాంటి ప్రకటనలను నమ్మి మోసపోకుండా ఎస్బీఐ వినియోగదారులు అప్రమత్తంగా ఉండాలి. -భారతీయ స్టేట్ బ్యాంక్ ఆఫ్‌ ఇండియా
నమ్మకమైన ఖాతాదారుడి పేరుతో వాట్సాప్లో చెక్కు - అడ్డంగా దొరికిపోయిన SBI బ్యాంక్ మేనేజర్
