అమెరికా నూతన అధ్యక్షుడిగా జో బైడెన్ను ఎలక్టోరల్ కాలేజీ అధికారంగా ఎన్నుకున్న నేపథ్యంలో శుభాకాంక్షలు తెలిపారు రష్యా అధ్యక్షుడు వ్లాదిమిర్ పుతిన్. బైడెన్ గెలుపు అందరి విజయంగా అభివర్ణించిన క్రెమ్లిన్.. ప్రపంచ భద్రత, స్థిరత్వం సహా ప్రపంచ దేశాలు ఎదుర్కొంటున్న సమస్యలు, సవాళ్లపై పోరుకు ఇరు దేశాలు కలిసి పని చేయాలని బైడెన్కు పంపిన సందేశంలో పేర్కొంది.
"పరస్పర గౌరవం, సమానత్వం సిద్ధాంతాలకు అనుగుణంగా.. ఇరుదేశాల ప్రజల ప్రయోజనాల కోసం అమెరికా, రష్యాలు సహకారం అందించుకుంటాయి. అమెరికాతో కలిసి పని చేయడానికి నేను సిద్ధంగా ఉన్నాను." అంటూ క్రెమ్లిన్ ద్వారా తన సందేశాన్ని పంపారు పుతిన్.
బైడెన్ అధికారికంగా ఎన్నికైనంత వరకు అభినందించకూడదని క్రెమ్లిన్ గతంలో నిర్ణయించుకుంది. అయితే అమెరికా ఎలక్టోరల్ కాలేజీ ఎన్నిక తర్వాత బైడెన్ విజయాన్ని గుర్తించింది రష్యా.
తదుపరి అమెరికా అధ్యక్షుడిగా జో బైడెన్, ఉపాధ్యక్షురాలిగా కమలా హారిస్ను ఎలక్టోరల్ కాలేజీ అధికారికంగా ఎన్నుకుంది. దీంతో అధ్యక్షుడు ట్రంప్ చేసిన న్యాయ పోరాటం ఇక ముగిసినట్లు అయ్యింది.
ఇదీ చూడండి: ముగిసిన ట్రంప్ పోరు- అధ్యక్షుడిగా బైడెన్ ధ్రువీకరణ
