టిబెట్​లోకి మరో రైలు మార్గంపై జిన్​పింగ్ ఆదేశం​

టిబెట్​-చైనాలను కలుపుతూ డ్రాగన్​ దేశం నిర్మించనున్న రైల్వే మార్గం అరుణాచల్​ ప్రదేశ్​ సరిహద్దును ఆనుకుని వెళ్తుంది. ఈ ప్రాజెక్టు పనులు వేగవంతం చేయాలని చైనా అధ్యక్షుడు జిన్​పింగ్​ అధికారులను ఆదేశించారు. సరిహద్దు ప్రాంతాల్లో సుస్థిరతను కాపాడేందుకు ఈ మార్గం కీలకమని ఆయన చెప్పారు.

టిబెట్​-చైనాల మధ్య నిర్మించనున్న సిచువాన్​-టిబెట్​ రైల్వే మార్గం భారత్​లోని అరుణాచల్​ ప్రదేశ్​ను ఆనుకొని వెళ్తోంది. వీడియో కాన్ఫరెన్స్​ ద్వారా ఈ ప్రాజెక్టు నిర్మాణ కార్యక్రమాన్ని చైనా అధ్యక్షుడు జిన్​పింగ్​ ప్రారంభించారు. ఈ మార్గం ద్వారా టిబెట్​ ఆర్థికంగా అభివృద్ధి చెందుతుందన్నారు. సరిహద్దు ప్రాంతాల్లో సుస్థిరతను కాపాడటంలో ఈ మార్గం కీలకం కానుందని తెలిపారు. పనులను వేగవంతం చేయాలని అధికారులను ఆదేశించారు.

రైల్వే మార్గం ఇదే

సిచువాన్​-టిబెట్ రైల్వే మార్గం చైనాలోని చెంగ్దూ ప్రాంతంలో ప్రారంభమై యాన్​, క్వాముదో మీదుగా టిబెట్​కు చేరుకుంటుంది. ప్రయాణ దూరం 1,011 కిలోమీటర్లు. ఈ మార్గం ద్వారా ఇరు దేశాల మధ్య ప్రయాణ సమయం 48గంటల నుంచి 13గంటలకు తగ్గనుంది. దీని నిర్మాణానికి అయ్యే ఖర్చు 3.50లక్షల కోట్లు.