జైషే మహమ్మద్, లష్కరే తోయిబా లాంటి ఉగ్రసంస్థలకు ఆర్థికసాయం అందకుండా కట్టడి చేయడంలో విఫలమైన పాకిస్థాన్ను గ్రే లిస్టులోనే కొనసాగించాలని ఆర్థిక నేరాల నియంత్రణ సంస్థ 'ఎఫ్ఏటీఎఫ్' నిర్ణయం తీసుకుంది. కరోనా సంక్షోభం కారణంగా వర్చువల్గా జరిగిన మూడో ప్లీనరీ సమావేశంలో.. ఎఫ్ఏటీఎఫ్ ఈ కీలక నిర్ణయం తీసుకుంది.
బ్లాక్ లిస్టులోకి..
"అక్టోబర్లో జరిగే తదుపరి సమావేశం వరకు పాకిస్థాన్ను గ్రే లిస్టులోనే కొనసాగించాలని ఎఫ్ఏటీఎఫ్ నిర్ణయించింది. అప్పటికల్లా ఎఫ్ఏటీఎఫ్ సూచనలు పాటించడంలో విఫలమైతే... పాక్ను బ్లాక్లిస్ట్లో చేర్చే అవకాశం ఉంది."
- ఓ ఎఫ్ఏటీఎఫ్ అధికారి
ఉగ్రవాదులకు నిధులు
లష్కరే తోయిబా, జైషే మహమ్మద్,హిజ్బుల్ ముజాహిదీన్ లాంటి ఉగ్రవాద సంస్థలకు పాకిస్థాన్ మద్దతు ఇస్తోంది. అందువల్ల ఆయా ఉగ్ర సంస్థల నిర్మూలనకు పాక్ చర్యలు తీసుకునేలా ఒత్తిడి తేవాలని ఎఫ్ఏటీఎఫ్ను భారత్ కోరింది. ఉగ్రవాద సంస్థలకు పాకిస్థాన్ సురక్షిత స్థావరంగా మారిందని అమెరికాకు చెందిన కంట్రీ రిపోర్ట్స్ నివేదిక వెలువరించిన తరువాత... ఎఫ్ఏటీఎఫ్ ఈ కీలక నిర్ణయం తీసుకోవడం ప్రాధాన్యత సంతరించుకుంది.
ఆర్థిక సాయం కష్టం
పాకిస్థాన్ గ్రే లిస్టులో కొనసాగితే.. ఐఎంఎఫ్, ప్రపంచ బ్యాంకు, ఏడీబీ, యూరోపియన్ యూనియన్ నుంచి ఆర్థిక సాయం పొందడం కష్టమవుతుంది.
ఇదీ చూడండి: కరోనా కాలంలో పార్లమెంట్ సమావేశం ఇలా...
