పాకిస్థాన్లోనూ కరోనా విజృంభిస్తోంది. ఇప్పటివరకు వెయ్యికిపైగా కేసులు నమోదయ్యాయి. ఏడుగురు ప్రాణాలు కోల్పోయారు. కరోనాను కట్టడి చేసేందుకు ప్రయత్నాలు ముమ్మరం చేసింది పాకిస్థాన్. దేశీయ విమానాల సేవలను మార్చి 26 నుంచి ఏప్రిల్ 2వ తేదీ వరకు నిలిపివేస్తున్నట్లు ప్రకటించింది.
ఇప్పటికే అంతర్జాతీయ విమానాల సేవలను నిలిపివేసింది ఆ దేశ ప్రభుత్వం. సరుకు రవాణా విమానాలకు మినహాయింపు ఇచ్చింది.
సింధ్లోనే అధికం...
ఇప్పటి వరకు పాకిస్థాన్లో మొత్తం 1,037(సింధ్-413, బలూచిస్థాన్-115, పంజాబ్-296, కేపీ-117, గిల్గిట్-బాలిస్టాన్-80, ఇస్లామాబాద్-15, పాక్ ఆక్రమిత కశ్మీర్-1) కరోనా కేసులు నమోదయ్యాయి. మొత్తం ఏడుగురు మృతి చెందారు. 18 మంది ఆరోగ్య పరిస్థితి మెరుగుపడింది.
కరోనాపై పోరుకు ఆర్థిక ప్యాకేజీ
కరోనా వ్యాప్తి నేపథ్యంలో పాక్ ఇప్పటికే అక్కడ లాక్డౌన్ విధించింది. వైరస్పై పోరుకు, ఆ దేశ పేద ప్రజల సౌకర్యార్థం కోసం ప్రధాన మంత్రి ఇమ్రాన్ ఖాన్ 200 బిలయన్ రూపాయల ఆర్థిక ప్యాకేజీని ప్రకటించారు.
ఇదీ చూడండి : కరోనా పంజా: కొరియా సాయం కోరిన ట్రంప్
