కరోనా నాలుగో వేవ్తో పాకిస్థాన్ పోరాటం చేస్తోంది. ఈ నేపథ్యంలో భారీగా కొత్త కేసులు వెలుగు చూస్తున్నాయి. గడిచిన మూడు వారాల్లో పాజిటివ్ కేసుల సంఖ్య మూడు రెట్లు పెరిగింది. వ్యాపార సంస్థలు, పర్యటక ప్రదేశాలను తెరిచేందుకు అనుమతులు ఇవ్వడం వల్ల కేసుల సంఖ్య భారీగా పెరుగతోందని ఆరోగ్య శాఖాధికారులు తెలిపారు. ఈ తరుణంలో దేశవ్యాప్తంగా లాక్డౌన్ విధించాలని ప్రభుత్వాన్ని కోరుతున్నారు. ఈదుల్ అజాను కూడా పలు ఆంక్షల నడుమ జరుపుకుంటున్నారు.
శనివారం 1,980 కొత్త కేసులు వెలుగు చూసినట్లు అధికారులు వెల్లడించారు. తాజాగా పెరిగిన కేసులతో దేశంలో పాజిటివిటి రేటు 4.09 శాతానికి చేరుకుంది. ఇది జూన్ 21న నిర్ధరణ అయిన కేసుల(663)తో పోల్చితే శనివారం వచ్చిన కేసులు మూడు రెట్లుగా ఉన్నాయి. మే 30 నుంచి పాజిటివిటి రేటు నాలుగు శాతాన్ని దాటడం ఇదే తొలిసారని పాక్ ఆరోగ్య శాఖ తెలిపింది.
మయన్మార్లో ఆక్సిజన్ కొరత...
సైనిక పాలనలో ఉన్న మయన్మార్ను ఆక్సిజన్ కొరత వేధిస్తోంది. ప్రాణవాయువును కొనుగోలు చేసేందుకు పౌరులు ఆక్సిజన్ ప్లాంట్ల వద్ద భారీగా క్యూ కడుతున్నారు. ప్రధాన నగరాలైన యాగోన్, మాండలైలో ఆక్సిజన్ అందుబాటులో లేక ప్రజలు ఇబ్బంది పడుతున్నారు. ప్రస్తుతం అవసరాలను తీర్చేందుకు పారిశ్రామిక ఆక్సిజన్ను మార్చి వైరస్ బాధితులకు అందుబాటులో ఉంచుతున్నారు అధికారులు.
మరోవైపు కొత్త కేసుల సంఖ్య భారీగా ఉండడం ప్రజలను కలవరపెడుతోంది. శనివారం 4,377 కొత్త కేసులు వెలుగు చూశాయి. 71 మంది చనిపోయారు.
ఇదీ చూడండి: మెక్సికోలో మూడో దశ- టోక్యోలోనూ కలకలం!
