పాకిస్థాన్​ ఆర్మీ కార్యాలయం సమీపంలో పేలుడు

పాకిస్థాన్​లోని రావల్పిండిలో జరిగిన బాంబు పేలుడు ఘటనలో ఒకరు ప్రాణాలు కోల్పోయారు. ఇద్దరు చిన్నారులు సహా 15 మంది గాయపడ్డారు. దర్యాప్తు బృందం రంగంలోకి దిగి విచారణ చేపట్టింది.

పాకిస్థాన్​ రావల్పిండిలోని సద్దర్​ ప్రాంతంలో శుక్రవారం రాత్రి బాంబు దాడి జరిగింది. ఈ ఘటనలో ఒకరు మృతి చెందగా, 15 మంది గాయపడ్డారు. వీరిలో ఇద్దరు చిన్నారులున్నారు. రద్దీగా ఉండే మార్కెట్​లో ఈ పేలుడు సంభవించింది. పాకిస్థాన్​ ఆర్మీ ప్రధాన కార్యాలయం దీనికి సమీపంలోనే ఉంది.

ఓ విద్యుత్​ స్తంభానికి సమీపంలో విస్ఫోటకాలు పెట్టినట్టు ప్రాథమిక దర్యాప్తులో తేలిందని ఓ పోలీసు అధికారి తెలిపారు. దర్యాప్తు బృందం రంగంలోకి దిగిందని.. ఫోరెన్సిక్​ నిపుణులు కీలక ఆధారాలను సేకరించారని వెల్లడించారు.

ఈ ఘటనకు బాధ్యత వహిస్తూ ఇంకా ఏ ఉగ్రసంస్థ ఎలాంటి ప్రకటన విడుదల చేయలేదు.