నేపాల్లో ఘోర రోడ్డు ప్రమాదం జరిగింది. పరిమితికి మించి ప్రయాణికులను ఎక్కించుకుకొని వెళ్తున్న బస్సు 50 అడుగుల లోయలో పడిపోయింది. ఈ ఘటనలో 11 మంది మృతి చెందారు. మరో 108మంది గాయపడ్డారు.
పండుగ వేళ విషాదం
హిందూ పండుగ దాషెయిన్(దసరా) ఉత్సవాలు ముగించుకొన్న ప్రయాణికులు సింధుపాల్చోక్ నుంచి కాఠ్మాండూకు బస్సులో బయలుదేరారు. మలుపు దగ్గర ఓ పక్కకు ఒరిగిపోయిన బస్సు... లోయలో పడిపోయింది. ఆరుగురు ప్రయాణికులు అక్కడికక్కడే మరణించారు. మరో ఐదుగురు ఆస్పత్రిలో చికిత్స పొందుతూ ప్రాణాలు విడిచారు. 108 మంది గాయపడగా... వారిలో 39 మందికి ఆస్పత్రిలో చికిత్స అందిస్తున్నారు.
ఇదీ చూడండి : ట్రాఫిక్ చలానా రాశారని రోడ్డుపై ఆత్మహత్య!
