మయన్మార్​లో​ సాయుధ దాడి- 12 మంది మృతి

మయన్మార్​లో స్వీయపాలిత ప్రాంత మాజీ నేతపై సాయుధ బలగాలు జరిపిన దాడిలో 12 మంది దుర్మరణం పాలయ్యారు. మరో 13 మంది గాయపడ్డారు.

మయన్మార్​లో స్వీయపాలిత ప్రాంత మాజీ నేత కాన్వాయ్​పై సాయుధులు జరిపిన దాడిలో 12 మంది మృతిచెందారు. వీరిలో 9 మంది పౌరులు, ముగ్గురు పోలీసులు ఉన్నట్టు సమాచారం. ఘటనలో మరో 13 మందికి గాయాలయ్యాయి.

మయన్మార్​ దేశ కేంద్ర మాజీ కార్యనిర్వాహక కమిటీ సభ్యుడు, స్వీయపాలిత ప్రాంత నేత యు ఖిన్​ మాంగ్​ ల్విన్​కు చెందిన కాన్వాయ్.. 20 మంది మయన్మార్​ నేషనల్​ డెమోక్రటిక్​ అలయన్స్​ ఆర్మీ(ఎంఎండీఏఏ) సభ్యులతో లాషియో నుంచి లౌక్కైకు వెళ్లే క్రమంలో ఈ దాడి జరిగింది. ఈ ఘటనలో మొత్తం 12 మంది అక్కడికక్కడే మృతిచెందగా.. మరో 13 మంది(ఐదుగురు పోలీసులు, ఎనిమిది మంది పౌరులు) క్షతగాత్రులయ్యారు.

ఇదీ చదవండి: 'మమ్మల్నే మయన్మార్ ప్రభుత్వంగా గుర్తించండి'