Modi Dubai Expo: దుబాయ్ ఎక్స్పోలో ఏర్పాటు చేసిన భారత పెవిలియన్ను ప్రధాని నరేంద్ర మోదీ సందర్శించనున్నట్లు సమాచారం. వచ్చే ఏడాది జనవరిలో ఈ పర్యటన ఉన్నట్లు తెలుస్తోంది. ఇందుకు సంబంధించి అధికారికంగా ఎలాంటి స్పష్టత లేకపోయినా.. పర్యటనకు తగిన ఏర్పాట్లు జరుగుతున్నట్లు విశ్వసనీయ వర్గాలు వెల్లడించాయి.
దుబాయ్ వేదికగా ఇప్పటికే భారత్-యూఏఈలు వాణిజ్య ఒప్పందాలు కుదుర్చుకునేందుకు కసరత్తులు చేస్తున్నాయి. ఆర్థిక- మౌలిక వసతులకు సంబంధించి త్వరలో ఇజ్రాయిల్, అమెరికా దేశాలు కూడా యూఏఈ, భారత్లతో సంయుక్తంగా మరోసారి భేటీ నిర్వహించే అవకాశం ఉంది. ఈ నేపథ్యంలో మోదీ పర్యటన ప్రాధాన్యం సంతరించుకుంది.
అక్టోబరు 1న దుబాయ్ ఎక్స్పో ప్రారంభమైంది. ఈ ఎక్స్పోలో భారత్ ఏర్పాటు చేసిన పెవిలియన్ను ఇప్పటివరకు 4 లక్షల మంది సందర్శించారు. వచ్చే ఏడాది మార్చి వరకు దుబాయ్ ఎక్స్పో ఉంటుంది.
ఇదీ చూడండి : ఆటోవాలా కూతురుకు ఆరు గోల్డ్ మెడల్స్
