చైనాలో ఘోర ప్రమాదం సంభవించింది. గ్యాస్ పైపు పేలిన ఘటనలో 12 మంది మృతి చెందారు. మరో 138మందికి తీవ్ర గాయాలయ్యాయి. హుబే ప్రావిన్సులోని షియాన్ నగరంలో ఆదివారం ఉదయం 6:30 గంటలకు ఈ పేలుడు సంభవించిందని అధికారులు తెలిపారు. ఈ ఘటనలో అనేక ఇళ్లు నేలమట్టం అయ్యాయని చెప్పారు.
షియాన్ నగరంలోని యన్హు అనే మార్కెట్లో ఈ గ్యాస్పైపు పేలిందని హాంకాంగ్కు చెందిన సౌత్ చైనా మార్నింగ్ పోస్ట్ అనే మీడియా కథనం వెలువరించింది. అంతకుముందు.. శిథిలాల కింద ఎంతో మంది చిక్కుకుపోయారని షియాన్ నగర మున్సిపల్ అధికారులు తెలిపారు.
సహాయక చర్యలు కొనసాగుతున్నాయి. ఇప్పటివరకు దాదాపు 150 మందిని రక్షించారు. ప్రమాదానికి గల కారణం తెలుసుకోవడానికి దర్యాప్తు చేస్తున్నారు.
